耶利米書 第 46 章 - 台語漢字羅馬本

1
耶和華的話臨到先知耶利米論起列國的事。
2
論埃及是論埃及王法老尼哥的軍兵:紮營佇伯拉河邊的迦基米施,當猶大王約西亞的子約雅敬四年互巴比倫王尼布甲尼撒所拍敗者。
3
恁著備辦大小的盾牌,去交戰。
4
恁著套馬,騎馬!戴盔徛起來,磨槍穿戰甲!
5
我啥事看見按呢?驚惶退後;的勇士輸,緊緊走,無越頭;四周圍有驚惶!這是耶和華講的。
6
走的走離;勇士會脫離;佇北方伯拉河邊攏著觸跋倒。
7
此個親像尼羅河漲滿,親像江河的水夯湧者是是誰啊?
8
埃及親像尼羅河漲滿,伊的水親像江河夯湧。伊的話講:我欲淐高我欲遮蓋遍地;我欲毀壞城及其中徛起的百姓。
9
馬著緊上來!車著亂亂走!勇士著出,古實及弗的人攏夯盾牌,路德的人開弓。
10
因為彼日是主──萬軍的耶和華的日,報讎的日,通對伊的對敵報讎。刀劍欲吞食到飽,飲血到醉;因為主──萬軍的耶和華,佇北方伯拉河邊有獻祭的事。
11
埃及的百姓啊,著上去基列來取乳香;你用多多藥,是空空,你得著醫好。
12
列邦聽見你的凌辱,遍地攏是你哀哭的聲;因為勇士及勇士相磕,做一下跋倒。
13
耶和華對先知耶利米所講的話,論到巴比倫王尼布甲尼撒欲到,來攻擊埃及地:
14
恁著報揚佇埃及,宣佈佇密奪,宣佈佇羅弗及答比匿講:著排隊,家己備辦,因為刀劍佇你的四圍吞滅。
15
你的大力者怎樣跋倒?徛在;因為耶和華趕,
16
伊互多多人跋倒;大家倒相褡,就講:起來!咱倒來去本族到咱本所在,來閃避壓制咱的刀劍。
17
佇遐叫講:埃及王法老不過是一個聲;伊有拍損伊的機會。
18
大君王──伊的名萬軍的耶和華講:我指我的活命來咒誓:伊欲來親像山中的他泊,親像海邊的迦密。
19
徛起佇埃及的百姓啊,你著備辦受掠應用的物件,因為羅弗欲拋荒,燒毀,無人徛起。
20
埃及是娞的牛種仔;獨獨對北方出的毀滅來啦!來啦!
21
其中雇倩的兵親像 內肥的牛仔,越轉身做一下走,徛住;因為抵著患難的日,受刑罰的時已經到啦。
22
伊的聲親像蛇行。對敵欲歸陣來,欲抬斧頭來攻擊伊親像剉樹的人一樣。
23
耶和華講:伊的樹林雖然真密,亦欲剉伊,因為比草蜢卡多,會算得。
24
埃及的百姓欲見誚,欲交佇北方的百姓的手。
25
萬軍的耶和華──以色列的上帝講:「看啊,我欲刑罰屬佇羅的亞捫及法老,及埃及及伊的神明,及伊的君王,亦欲刑罰法老以及倚靠伊的人。
26
我欲將交佇數想的生命的人的手,及巴比倫王尼布甲尼撒的手及伊的人臣的手;以後埃及的確閣有人徛起,及早前一樣。這是耶和華講的。」
27
我的奴僕雅各啊,你莫得驚!以色列啊,莫得驚惶!看啊,我欲對遠遠的所在拯救你,對受掠去的地拯救你的後裔。雅各欲倒來,得著安靜平安,無人互伊驚惶。
28
我的奴僕雅各啊,莫得驚惶!因為我及你佇。亦欲將我所趕你到許個國一盡剿滅,總是無一盡剿滅你,欲照所合宜的責備你,斷斷會無刑罰你。這是耶和華講的。

如需更多版本聖經,請到台灣聖經公會聖經網站瀏覽與查詢
台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!