耶利米書 第 51 章 - 台語漢字羅馬本

1
耶和華按呢講:看啊,我欲起毀滅的風,攻擊巴比倫及踮佇立加米的人。
2
我欲差外邦人來到巴比倫,來簸,互的地空虛。佇伊抵著患難的日,欲周圍攻擊伊。
3
開弓者,著向開弓者來開弓,向穿甲挺身者來開弓。莫得惜伊的少年人;著一盡滅伊的全軍。
4
受者欲倒佇迦勒底人的地,受刺者欲倒佇伊的街路。
5
雖莽以色列及猶大,的地方滿滿得罪以色列的聖者,猶久無互萬軍的耶和華──伊的上帝棄拺。
6
恁著對巴比倫中走出,逐人救家己的生命!莫得佇的罪中來滅無;因為這是耶和華報讎的期,伊欲互抵著應該受的報應。
7
巴比倫平素是耶和華手內的金杯,互全地的人醉;列邦曾飲伊的酒,所以列邦發狂。
8
巴比倫忽然捙倒毀壞;著為伊啼哭;提乳香來止伊的痛疼,豈採猶會醫得。
9
咱想欲醫治巴比倫,若是伊無得著。咱著離開伊!逐人倒來去本國;因為伊的罪案抵天,透到穹蒼。
10
耶和華已經顯明咱的公義。來啊!咱通佇錫安報告咱的上帝──耶和華的所做。
11
恁著磨光恁的箭,夯住恁的盾牌。耶和華定著意思攻擊巴比倫,來毀滅伊,所以激動瑪大君王的心;因為這是耶和華報讎,就是伊為著伊的殿來報讎。
12
著 大旗,攻擊巴比倫的城牆;著堅固瞭望的台,派守望的設埋伏;因為耶和華所講論巴比倫徛起的百姓,伊有計劃伊,亦有成伊。
13
徛起佇多多水的頂面大發財者啊,你的結局到啦!貪心的量滿啦!
14
萬軍的耶和華指家己咒誓講:我欲互人充滿恁中間,親像草蜢一樣;欲喝喊攻擊你。
15
耶和華用能力創造地,用智慧建立世界,用聰明展開諸個天。
16
伊一下出聲,空中就有多多水激動;伊互雲霧對地極淐起來。伊為著雨,創造閃爁,伊互風對伊的府庫出來。
17
逐人攏愚蠢無智識。逐個銀匠攏為著伊雕刻的偶像來見誚;因為伊所鑄的偶像是假的,也無活氣佇伊的內面,
18
攏是空空的,是迷惑人的所做,到辦理的時,的確受除滅。
19
雅各的份額無親像諸個,因為伊是創造萬物的主;以色列也是伊產業的支派。萬軍的耶和華是伊的名。
20
你是我的斧頭,交戰的家私;我欲用你拍碎列邦,用你毀滅列國;
21
用你拍碎馬及騎馬的;用你拍碎戰車及坐佇彼頂面者;
22
用你拍碎查甫人及婦仁人;用你拍碎老人及囝仔;
23
用你拍碎少年人及在室女;用你拍碎牧者及伊的羊群;用你拍碎作田人及伊的一對牛;用你拍碎總督及官員。
24
耶和華講:「早巴比倫及迦勒底徛起的百姓佇錫安所行一切的歹,我欲報應,互恁親目看見。」
25
耶和華講:你此個行毀滅的山啊,看啊,我對敵你,你毀滅全地。我欲伸我的手佇你的頂面,對山巖捙你落去;互你成做燒毀的山。
26
人的確無對你遐取一塊石做厝角,亦無一塊石做地基;你欲永遠拋荒。這是耶和華講的。
27
著佇境內 大旗,佇逐國中歕哨角,刁持備辦列國來攻擊伊,招集亞拉臘、米尼、亞實基拿諸個國來攻擊伊;閣派軍長來攻擊伊,互馬兵上來親像粗毛的草蜢,
28
刁持備辦列國及瑪代的列王,伊的總督,伊的官員,及伊所管全地的人,來攻擊伊。
29
地振動閣凄慘;因為耶和華攻擊巴比倫的旨意已經定著,欲互巴比倫的地拋荒,無人徛起。
30
巴比倫的勇士呣愛交戰,住佇營盤內。伊的力已經無,成做親像婦仁人。的厝宅受燒,的門楗拍折。
31
走文書者走去抵著走文書者,報消息者抵著報消息者,報告巴比倫王知:伊的城四面互人取去,
32
路頭互人佔去,蘆竹受火燒,交戰的人亦驚惶。
33
萬軍的耶和華──以色列的上帝按呢講:巴比倫親像粟埕,已經踏到平平,閣無偌久,收成的時就到。
34
巴比倫王尼布甲尼撒吞食我,壓碎我,互我成做空的器具。伊親像大魚吞我,用我的寶物充滿伊的腹肚,閣將我吐出。
35
錫安徛起的百姓欲講:巴比倫用暴虐款待我,及我的身體,願此個罪歸佇伊。耶路撒冷人欲講:願流阮的血的罪歸佇迦勒底徛起的百姓。
36
所以,耶和華按呢講:看啊,我欲替你伸冤,亦欲替你報讎;我欲互伊的海乾去,互伊的水泉無水。
37
巴比倫欲成做土堆,做野狗住的所在,做通卬愕、通恥笑者,亦無人徛起。
38
欲親像勇的獅噤噤哮,親像細隻獅哮叫。
39
當熱的時,我欲為辦酒桌,互伊酒醉,互伊快樂,長睏,永無精神。這是耶和華講的。
40
我欲帶落去,親像羊仔、親像公的綿羊、公的山羊到受的地。
41
示沙克怎樣受攻破?天下所謳咾者怎樣受霸佔?巴比倫佇列國中怎樣變做拋荒?
42
海水漲起來,淹過巴比倫;伊互多多湧蓋密。
43
伊的城變做拋荒、乾燥的地、沙漠,無人徛起,無人經過的所在。
44
我欲刑罰彼勒佇巴比倫,我欲挖出伊的嘴所吞的。萬百姓無閣歸倚伊;巴比倫的城牆亦倒壞。
45
我的百姓啊,恁著對伊的中間出去!逐人救家己,閃避耶和華的大受氣。
46
恁的心呣通失膽,亦呣通因為境內所聽見的風聲來驚惶;因為今年有風聲傳來;暝時亦有風聲;境內有強暴的事,官長攻擊官長。
47
看啊,日子欲到,我欲辦巴比倫雕刻的偶像。互全地見誚;伊許個受的人欲倒佇中間。
48
彼時,天地及其中所有的,欲因為巴比倫失敗來歡喜,因為行毀滅者欲對北方來到伊遐。這是耶和華講的。
49
巴比倫按怎樣互以色列受的人倒落去,親像按呢伊全地受的人亦欲佇巴比倫倒落去。
50
閃避刀劍者著緊走,呣通徛!著佇遠遠的所在記念耶和華,心內追想耶路撒冷。
51
阮因為聽詈罵漏氣,滿面見誚,因為異邦人入耶和華的厝許個聖的所在。
52
所以耶和華講:看啊,日子欲到,我辦巴比倫雕刻的偶像,通國受傷的人欲譆譆孱。
53
巴比倫雖然上到天,雖然互伊堅固高的所在閣卡堅固,猶久有行毀滅者欲對我遮到伊遐。這是耶和華講的。
54
對巴比倫有哀哭的聲;對迦勒底人的地有大毀滅的聲。
55
因為耶和華毀滅巴比倫,互中間的大聲息去。的湧嘩嘩哮,親像多多的水,伊響的聲亦發出。
56
因為毀滅者來攻擊巴比倫。伊的勇士受掠,的弓抵著遏折;因為耶和華是行報應的上帝,伊決斷欲報讎。
57
君王──名做萬軍的耶和華者,講:我欲互伊的貴族、博士、總督、官員,以及勇士攏酒醉,永永睏,無精神。
58
萬軍的耶和華按呢講:巴比倫闊大的城牆欲一盡倒壞;伊高大的城門欲互火燒燎去。眾百姓所著磨的欲歸佇空空;列國所著磨的歸佇火,攏欲厭倦。
59
猶大王西底家坐位的第四年,上去巴比倫的時,瑪西雅的孫、尼利亞的子西萊雅及王相及去、(西萊雅是王的內侍,)先知耶利米有話吩咐伊。
60
耶利米將一切欲臨到巴比倫的災禍,就是論到巴比倫所寫一切的話,來記上冊。
61
耶利米對西萊雅講:「你到巴比倫的時,要緊著讀此個冊裡的話:
62
閣著講:『耶和華啊,你論到此所在曾講欲滅伊,甚至無人徛起連精牲亦無,的確永遠拋荒。』
63
你此個冊讀了,就著縛佇一塊石頭,落佇伯拉河中,
64
講:『巴比倫為著耶和華所欲降互伊的災禍,的確親像按呢沈落去,閣起來,伊攏欲厭倦。』」耶利米的話,到遮為止。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!