耶利米書 第 8 章 - 台語漢字羅馬本

1
耶和華講:「當彼時,人欲將猶大列王的骨骸、貴族的骨骸、祭司的骨骸、先知的骨骸,耶路撒冷徛起的百姓的骨骸,攏對墓中提出來,
2
排佇日、月,及天象的下面,就是平素所意愛、所服事、所順趁、所尋求、所跪拜者。諸個骨骸無閣收拾,無閣埋葬,欲佇地面上成做糞埽;
3
閣此個歹族所剩的就是佇我趕到遐所剩的,攏欲揀死,呣揀活。這是萬軍的耶和華講的。」
4
你著對講,耶和華按呢講:人跋倒,無閣絔起來嗎?人越去,無閣越來嗎?
5
按呢此個耶路撒冷的百姓的悖逆,啥事久長悖逆啊?固執的詭詐,呣肯回頭。
6
我留心聽,總是無講正直的話。無人反悔歹的所行,講:我做的是甚麼?逐人轉返行家己的路,親像馬跑入戰場。
7
空中的鶴知伊定著的期;鳩鵻燕仔及海雁攏守來的時;獨獨我的百姓呣知耶和華的法律。
8
恁怎樣講:阮是智慧的人,耶和華的律法佇阮中間?看啊,經學士舞弄筆墨,互伊變做假。
9
智慧的人見誚,驚惶,受掠;看啊,放拺耶和華的話,的心內猶有甚麼智慧啊?
10
所以我欲將的某互別人,將的田園互別人承接做業;因為對第一細到第一大者攏一味貪心,對先知到祭司攏行奸詐。
11
凊凊彩彩醫治我的百姓的傷,講:平安啦!平安啦!其實無平安。
12
行可惡的事,知見誚嗎?無,攏無見誚,亦紅面。因為按呢,欲跋倒佇跋倒的人的中間;受辦的時欲顛倒。這是耶和華講的。
13
耶和華講:我欲一盡滅;葡萄樹欲無葡萄,無花果樹欲無無花果,葉亦欲枯焦。我所互的,攏欲無去。
14
咱啥事靜靜坐啊?恁著聚集,就咱通入諸個堅固的城,佇遐恬恬;因為咱的上帝──耶和華互咱恬恬,閣將苦的水互咱飲,攏是因為咱得罪耶和華。
15
咱向望平安,亦無有好處;向望有醫好的時期,反轉有驚惶。
16
聽見對但遐對敵的馬滂滂哮,的勇的馬嘰嘰哮,全地就攏振動;因為來吞滅此個地以及彼內面所有的,吞滅此個城及其中徛起的百姓。
17
恁看,我欲差蛇、毒蛇到恁中間,恁驅無法得的,欲咬恁。這是耶和華講。
18
我有憂悶,情願會得安慰;我的心暈去。
19
看啊,我的百姓哀傷的聲對遠遠的所在來,講:耶和華無佇錫安嗎?伊的王無佇彼內面嗎?啥事用雕刻的偶像,及外邦虛假者來激我的受氣啊?
20
收成的時已經過,夏天的日已經盡,阮猶無得著救!
21
因為我的百姓的毀傷,我亦受毀傷。我盡在哀傷,驚惶擒住我。
22
佇基列豈無乳香?佇遐豈無醫生?我的百姓怎樣得著醫好?

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!