約翰福音 第 3 章 - 台語漢字羅馬本

1
有一個法利賽人,名尼哥底某,是猶太人的官。
2
暝時來就近耶穌,對伊講:「拉比,阮知你做先生是對上帝來的;因為若呣是上帝及伊佇,就無人會行你所行諸個神蹟。」
3
耶穌應伊講:「我實實給你講,人若無重頭生,就會看見上帝的國。」
4
尼哥底某對伊講:「人已經老,怎樣會重頭生?豈會閣入老母的腹肚來生嗎?」
5
耶穌應講:「我實實給你講,人若無對水對聖神來生,就會入上帝的國。
6
對肉體生的是肉體;對神生的是神。
7
我講:『恁的確著重頭生』,你莫得掠做奇怪。
8
風出在意思來吹,你聽見伊的聲,呣知伊對叨落來,叨落去;見若對神生的,亦是按呢。」
9
尼哥底某應伊講:「怎樣會按呢啊?」
10
耶穌應伊講:「你做以色列的先生,也呣知這嗎?
11
我實實給你講,阮是講阮所知的;干證阮所看見的;若是恁呣接納阮的干證。
12
我給恁講地上的事,恁尚且呣信,若給恁講天頂的事,恁豈欲信?
13
無人曾上天,只有佇天裡的人子,對天降落的若定。
14
閣親像摩西舉起蛇佇曠野,人子亦的確著按呢受舉起,
15
互見若信的人佇伊有永活。
16
「因為上帝將獨生的子賞賜世間,互見若信伊的人,沈淪,會得著永活,伊疼世間到按呢。
17
因為上帝差子入世間,呣是欲審判世間;是欲互世間對伊得著救。
18
信伊的人,無受審判;呣信的人,已經受審判,因為伊呣信上帝獨生子的名。
19
所審判的,就是光入世間,亦人愛暗卡過頭佇光,因為伊所行是歹。
20
見若做歹的怨恨光,亦呣就近光,驚了伊的所行受責備。
21
獨獨行真理的人就近光,來顯明伊的所行是佇上帝來行。」
22
諸個代誌以後,耶穌及伊的學生到猶太地,及住遐來行洗禮。
23
約翰亦行洗禮佇近撒冷的哀嫩;因為佇遐有多多水,人到遐來受洗禮。(
24
因為約翰猶未關落監。)
25
對按呢有約翰的學生及一個猶太人爭辯清氣的事,
26
來就近約翰,給伊講:「拉比啊,從前及你佇約但外、你所干證的,你看,伊行洗禮,眾人攏就近伊。」
27
約翰應講:「若呣是對天互伊,就人得著甚麼。
28
恁家己為著我做干證,我曾講:『我呣是基督,就是奉差佇伊的頭前若定。』
29
有新娘的是新子婿;新子婿的朋友徛聽伊,為著新子婿的聲就歡喜到極。所以,我此個歡喜充滿啦。
30
伊的確興旺,我的確衰微。」
31
「對頂面來的是佇萬類的頂面;彼個對地裡的是對地才有,也對地來講。對天來的是佇萬類的頂面。
32
伊將所聽見的來干證,亦無人接納伊的干證。
33
接納伊的干證的,已經蓋印,來干證上帝是真實。
34
因為上帝所差的講上帝的話,是上帝賞賜聖神無限量。
35
父疼子,已經將萬物交付伊的手。
36
信子的人有永活;呣順子的人看見活,上帝的受氣佇伊的頂面。」

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!