約伯記 第 42 章 - 台語漢字羅馬本

1

約伯應耶和華講：

2

我知你萬事攏會。你的旨意攏阻擋得。

3

此個無知來蓋密所議論的是是誰啊？所以我有講出我所無明的；就是我所想出的奇妙，我所呣知。

4

求你聽，我欲講；我問你，你應我。

5

我前耳孔聽見你，今我的目睭看見你。

6

所以我家己厭惡，佇塵埃及火灰的中間反悔。

7

耶和華對約伯講諸個話以後，耶和華就對提幔人以利法講：「我的受氣對你及你二個朋友發起來，因為恁議論我無講合理的話，親像我的奴僕約伯所講的。

8

今恁著為本身取七隻牛，七隻羊，到我的奴僕約伯遐，為本身獻燒祭，我的奴僕約伯欲替恁祈禱。因為我欲接納伊，免得我照恁的愚戇來款待恁。因為恁議論我，無講合理的話親像我的奴僕約伯所講的。」

9

對按呢提幔人以利法、書亞人比勒達、拿瑪人瑣法照耶和華所命令的去行；耶和華也接納約伯。

10

約伯替伊的朋友祈禱的時。耶和華就互伊的景況復原，閣耶和華賞賜約伯比以前所有的加倍。

11

彼時伊的眾兄弟、姊妹，及以前相識的人攏來見伊，佇伊的厝相及食；為著耶和華所降落佇伊一切的災禍，攏悲傷來安慰伊。逐人送伊一塊銀，逐人送伊一個金環。

12

按呢，耶和華賜福約伯的尾境贏過伊的起頭。伊有羊一萬四千，駱駝六千，牛一千對，驢母一千。

13

伊也有七個子，三個查某子。

14

伊給大查某子名叫耶米瑪，第二個名叫基洗亞，第三個名叫基連哈樸。

15

通彼所在的婦女，尋無親像約伯查某子許呢娞。的老父互佇兄弟中得著產業。

16

此霎以後，約伯閣食一百四十歲，得著看見伊的子伊的孫，到四代。

17

按呢，約伯年歲老，日子滿就死。