約伯記 第 5 章 - 台語漢字羅馬本

1

今做你求叫，看有是誰應你啊？諸個聖者的中間，你欲向是誰啊？

2

因為受氣的心會害死戇人；怨妒會死頇顢的人。

3

我曾看見戇人釘根，總是忽然間我咒詛伊徛起的所在。

4

伊的子兒離開安穩遠遠，佇城門受壓迫，也無有拯救的。

5

枵的人食伊所收成的，佇莿帕內也搶去；有活罩開嘴吞伊的財物。

6

因為災禍呣是對土裡出來；患難也呣是對地裡發生。

7

總是人出世定著有患難，親像火星飛上高。

8

換做我，我欲求叫上帝，將我的事交代上帝。

9

就是行代誌大到測　得的，行奇事算了的；

10

伊落雨佇地面上，賞賜水佇田園裡；

11

欲安置卑微的佇高的所在，欲舉起哀慘的佇安穩的地；

12

伊破壞狡怪的人的計謀，致到的手所做的成功。

13

伊互智慧的人中家己的詭計，互詭譎的人的計謀緊緊敗。

14

日時抵著黑暗，日中晝四界摸親像暝時。

15

伊救喪鄉人脫離的嘴的刀劍以及強暴的人的手。

16

對按呢，軟茈的有向望，不義的嘴塞密。

17

看啊，上帝所警戒的彼人有福氣！所以你呣通看輕全能者的督責。

18

因為伊互人痛疼，就給伊包密；伊傷人，也伊的手醫好伊。

19

伊欲救你，佇六擺的患難；就若七擺，災害也無磕著你。

20

佇飢荒的時，伊欲救你脫離死；佇交戰的時，伊欲救你脫離刀劍的勢力。

21

你欲得著囥密，免受嘴舌的攻擊；災禍到的時，你也免驚。

22

災害及飢荒，你欲笑伊；地上的野獸，你也免驚。

23

因為你欲及田園裡的石結約；田野的獸也欲及你和好。

24

你欲知你的布棚平安，你欲去看你的羊牧，攏無欠缺；

25

你也欲知你的子孫多多，你的後裔親像地上的青草。

26

你欲歲壽滿足才歸墓，親像稻　到時收囥。

27

看啊，這阮有查到徹底，實在是按呢。你著聽，知是做你的利益。