約拿書 第 3 章 - 台語漢字羅馬本

1
耶和華的話第二擺臨到約拿講:
2
「你起來!去尼尼微彼個大城,我所命令你傳的,你傳互伊。」
3
約拿就照耶和華的話起來,去尼尼微。尼尼微是極大的城,著行三日才會。
4
約拿入城起身行一日的路,傳講:「閣四十日,尼尼微欲倒壞!」
5
尼尼微人信上帝,就宣佈禁食,對大到細攏穿麻衫。
6
此個消息傳到互尼尼微王聽見,伊就對伊的座位起來,褪伊的禮服,穿麻,坐佇火灰。
7
閣出告示,照王及貴族的命令傳互尼尼微通城,講:「人及精牲,牛群、羊群攏呣通食,呣通飲水,連試看也呣通。
8
人及精牲攏著穿麻;大聲求叫上帝。逐人也著離開伊的歹路,及伊的手所做的強暴。
9
豈採上帝回心轉意,挽回伊的大受氣,互咱無滅無也敢。」
10
對按呢上帝看的行做,有離開的歹路,上帝就退悔伊所講欲降互的災禍,亦無降落。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!