耶利米哀歌 第 3 章 - 台語漢字羅馬本

1
因為主受氣的柺仔,來抵著艱苦者,我就是彼個人。
2
伊導我,互我行佇黑暗,無佇光明。
3
伊真正通日沓沓出手攻擊我。
4
伊互我的肉及皮焦啦去;伊遏折我的骨頭。
5
伊起土堆攻擊我,用苦毒的物及艱難圍困我。
6
伊互我住佇黑暗的所在,親像死久久的人一樣。
7
伊用籬笆圍我,互我走出;伊互我的鐵鍊愈重。
8
我哀叫求幫助的時;伊互我的祈禱得著聽見。
9
伊用過拍的石頭塞密我的路;伊互我的路彎曲。
10
伊對敵我親像熊埋伏,親像獅踮暗密的所在。
11
伊互我迷路,給我拆碎,互我冷靜。
12
伊開弓用我做箭靶。
13
伊用箭袋的箭射入我的臟腑。
14
我成做我的百姓的笑柄;通日用我做歌曲。
15
伊用苦毒的物充滿我,用茵蔯給我灌到驚。
16
伊用沙拇粒拍折我的嘴齒,用火灰摻我的身軀。
17
你互我的心離開平安遠遠,我記得福氣。
18
我就講:我的氣力衰敗;閣我佇耶和華遐攏無向望!
19
求你記得我的困苦,我的艱難親像茵蔯苦膽。
20
我的心追想諸個,就佇我的腹內鬱悶。
21
我的心倒轉想此個事,所以我有向望,
22
阮無致到滅無,是對耶和華諸個慈愛;因為伊的憐憫無窮盡。
23
主的仁慈逐早起換新;你的誠實極其闊大!
24
我的心講:耶和華是我的基業,因為按呢我欲向望伊。
25
見若聽候耶和華,尋求伊者,伊欲施恩互伊。
26
向望耶和華的拯救,靜靜聽候,這是好。
27
人少年的時背伊的軛,這是好。
28
伊著家己坐,無做聲,因為此個軛是耶和華下佇伊的身上。
29
伊的嘴著俯佇塵埃,豈採有向望。
30
伊著據在人拍嘴,滿滿受凌辱。
31
因為主的確無永遠棄拺人。
32
主雖然互人憂悶,猶久欲照伊百般的慈愛發出憐憫。
33
伊互人受苦憂悶,呣是伊所甘心。
34
人將世上受關監者踏佇腳下,
35
抑是佇至高者的面前冤屈人,
36
抑是冤枉人的案件,這是主所無歡喜。
37
若呣是主所命令,是誰會講伊就成?
38
好歹代豈呣是出佇至高者的嘴嗎?
39
人活佇世間,因為家己的罪過受刑罰,啥事哀怨?
40
咱著省察查考咱的路,閣越轉來歸耶和華。
41
咱著獻心抬手,向天頂的上帝。
42
阮犯罪悖逆,你無赦免。
43
你用受氣罩阮,追阮;你行剿滅,亦無憐憫。
44
你用密雲遮蓋家己,致到祈禱會透過。
45
你互阮佇萬百姓的中間成做污穢受棄拺的物。
46
阮的對敵攏向阮大大開嘴。
47
驚惶及陷坑,殘害及毀滅,攏到佇阮。
48
我的百姓的查某子抵著毀滅,因為按呢我流目屎親像溪。
49
我的目睭流目屎,無停無息,
50
直直聽候耶和華俯落看,對天鑑察。
51
因為我的城諸個查某子,互我觸目傷心。
52
無因端及我做仇讎者的追我,親像鳥仔一樣。
53
互我的生命死佇陷坑,用一塊石頭填佇我的頂面。
54
多多水淹過我的頭殼,我講:我無命啦!
55
耶和華啊,我對深的陷坑求叫你的名。
56
你曾聽我的聲;我的替氣求叫,你莫得掩耳孔呣聽。
57
我求叫你的日,你近倚我,講:呣免驚!
58
主啊,你伸我的冤枉;你救贖我的生命。
59
耶和華啊,你看見我所受的冤屈,求你給我判斷。
60
怨恨我,謀害我,你攏有看見。
61
耶和華啊,詈罵我,謀害我,你攏有聽見。
62
亦聽見許個起來攻擊我的人所講的,以及通日所設欲害我的計謀。
63
求你觀看,坐,抑是起來,攏用我做的歌曲。
64
耶和華啊,你著照的手所做的,來報應。
65
你著互的心剛硬,互你的咒詛到佇。
66
你著發出受氣追趕,對耶和華的天下剿滅。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!