利未記 第 4 章 - 台語漢字羅馬本

1

耶和華吩咐摩西講：

2

「你著吩咐以色列人講：若有人犯罪錯誤犯著耶和華所命令呣通行的一項，

3

若受抹油的祭司犯罪，連累百姓佇罪，就著因為伊所犯的罪，用無瑕疵的牛仔獻互耶和華做贖罪祭。

4

伊著牽牛仔到會幕門口，佇耶和華的面前，按手佇牛仔的頭殼頂，牛仔佇耶和華的面前。

5

受抹油的祭司著取淡薄牛的血帶到會幕，

6

祭司著用指頭仔搵血，佇耶和華的面前對聖所的帳簾前灑血七擺，

7

祭司閣著用淡薄血抹佇會幕內、佇耶和華的面前香壇許個角，伊也著用牛仔的血攏傾佇會幕門口、燒祭的壇腳。

8

伊著用贖罪祭的牛仔所有的油攏提起來，用蓋臟腑的油及臟腑所有的油，

9

以及二粒腰子及所有的油，就是倚近腰雙旁的油，及肝裡的網紗及腰子，一概提起來，

10

及對謝恩祭的牛仔所提起來的一樣；祭司著燒許個佇燒祭的壇頂。

11

牛仔的皮及所有的肉，及伊的頭、伊的腿、伊的臟腑、伊的糞，

12

就是全牲隻牛仔，著帶出營外到清氣的地、傾火灰的所在，用火燒佇柴頂佇傾火灰的所在燒伊。

13

「若是以色列全會行錯行耶和華所命令呣通行的一項事，致到有罪，代誌猶久隱密、會眾看無著的，

14

到所犯的罪，人一下知會眾就著獻一隻牛仔子做贖罪祭，牽到會幕前。

15

會中的長老就著佇耶和華的面前按手佇牛仔的頭殼頂，牛仔著佇耶和華的面前。

16

受抹油的祭司著取淡薄牛仔的血帶到會幕，

17

祭司著用指頭仔搵血佇耶和華的面前，佇帳簾的頭前灑七擺，

18

閣著用淡薄血抹佇會幕內、佇耶和華的面前的壇許個角，伊也著用所有的血攏傾佇會幕的門口、燒祭的壇腳。

19

著將所有的油攏提起來，燒佇壇頂；

20

著行佇此隻牛仔，親像所行佇贖罪祭的牛仔著照按呢行。祭司著按呢替贖罪，就欲得著赦免。

21

伊著將牛仔帶出營外燒伊，親像燒頭一隻牛仔一樣；這是會眾的贖罪祭。

22

「官長若有犯罪錯誤行耶和華──伊的上帝所命令呣通行的一項事，致到有罪，

23

所犯的罪到伊家己知，就著牽一隻無瑕疵的山羊做伊的禮物，

24

著按伊的手佇山羊的頭殼頂，伊佇耶和華的面前、佇燒祭的精牲的所在；這是贖罪祭。

25

祭司著用指頭仔提淡薄贖罪祭的血，抹佇燒祭的壇許個角，將血傾佇燒祭的壇腳。

26

所有的油，伊攏著燒佇壇頂，親像謝恩祭的油一樣。論到伊的罪，祭司著按呢給伊贖罪，伊就欲得著赦免。

27

「百姓中若有人錯誤犯罪行耶和華所命令呣通行的一項事，致到有罪，

28

所犯的罪到伊家己知，伊因為所犯的罪就著牽一隻無瑕疵的山羊母做伊的禮物，

29

著按伊的手佇贖罪精牲的頭殼頂，佇燒祭的所在贖罪祭的精牲。

30

祭司著用指頭仔提淡薄羊血，抹佇燒祭的壇許個角，所有的血攏著傾佇壇腳裡，

31

著將伊所有的油攏提起來，親像提謝恩祭的油一樣。祭司著燒伊佇壇頂，佇耶和華的面前做芳味，祭司著為伊贖罪，伊就欲得著赦免。

32

「伊若牽一隻綿羊仔做贖罪祭的禮物，就著牽一隻無瑕疵的羊母，

33

著按伊的手佇贖罪精牲的頭殼頂，佇燒祭的所在贖罪祭的精牲。

34

祭司著用指頭仔提淡薄贖罪祭精牲的血，抹佇燒祭的壇許個角，所有的血攏著傾佇壇腳裡，

35

著將伊所有的油攏提起來，親像謝恩祭提去羊仔的油一樣。祭司著燒伊佇壇頂，親像獻互耶和華的火祭。論到伊所犯著的罪，祭司著按呢給伊贖罪，伊就欲得著赦免。」