路加福音 第 18 章 - 台語漢字羅馬本

1
耶穌設一個譬喻,教示著常常祈禱,
2
呣通厭。講:「某城有一個審判官,無驚上帝,也無對重人。
3
佇彼個城內有一個守寡人,沓沓去見伊,講:『有人及我做對敵,求你替我伸冤。』
4
伊久久無欲,後來想講:『我雖然無驚上帝,無對重人,
5
若是因為此個守寡人沓沓來攪擾,我欲替伊伸冤,免得伊永永來苦楚我!』」
6
主閣講:「恁著聽此個不義的官所講的。
7
何況上帝揀的百姓暝日喉叫伊,伊也為著寬容,豈無欲替伸冤嗎?
8
我給恁講,伊欲緊緊替伸冤。雖然按呢,人子到的時,豈欲抵著世間有信嗎?」
9
有倚靠家己做義,來看輕別人的,耶穌設一個譬喻給講:
10
「有二人上殿欲祈禱:一個是法利賽人,一個是抽餉的。
11
法利賽人徛,家己祈禱講:『上帝啊,我感謝你,因為我無親像別人勒索、不義、姦淫,也無親像此個抽餉的。
12
我一禮拜禁食二擺,閣將凡所得著的十份抽一份。』
13
若是彼個抽餉的遠遠徛,連抬目向天也呣敢,干單搥胸講:『上帝啊,憐憫我此個有罪的人!』
14
我給恁講,此個人倒去伊的厝得著稱做義贏過彼個人;因為,見若自高的,欲互伊卑微;家己卑微的,欲高升伊。」
15
有人帶嬰仔就近耶穌,欲互伊摸;學生看見就責備。
16
若是耶穌叫許個嬰仔來,講:「容允細子就近我,莫得禁伊,因為上帝的國是此號人的。
17
我實在給恁講,凡若承接上帝的國,無親像細子的,決斷得通入去。」
18
有一個做官的問伊講:「好的先生啊,我著怎樣做才通承接永活?」
19
耶穌給伊講:「你啥事稱呼我是好啊?無一個好,獨獨上帝若定。
20
諸個誡你已經知:『莫得姦淫;莫得死人;莫得偷提;莫得濫糝做干證;著敬你的父母。』」
21
伊就講:「諸個我對細漢攏守伊啦。」
22
耶穌聽見,就給伊講:「你猶欠一項;著賣你一切所有的,來互喪鄉人,就欲有財寶佇天裡;閣來隨我。」
23
彼人聽見諸個話,真憂悶,因為伊真好額。
24
耶穌看見伊,就講:「富人入上帝的國啊!
25
因為駱駝穿過針鼻比富人入上帝的國猶卡快!」
26
聽見的人講:「按呢,是誰會得著救啊?」
27
耶穌講:「在人所會的,在上帝是會。」
28
彼得講:「阮已經放拺家己所有的來隨你。」
29
耶穌給講:「我實在給恁講,無有人為著上帝的國來放拺厝宅,抑是某,抑是兄弟,抑是父母,抑是子兒,
30
也無佇此世得著幾若倍卡多,來世得著永活。」
31
耶穌帶十二個學生,對講:「你看,咱諸個上耶路撒冷,見若對先知所記的攏欲應驗佇人子。
32
因為伊欲受解送互異邦人;閣受戲弄,凌辱,呸涎,
33
欲鞭拍,來害死伊;第三日伊欲復活。」
34
許個代誌學生無一項會曉得,閣此個話對佇是隱密;也呣知伊所講的。
35
近耶利哥的時,有一個睛暝的坐佇路邊乞食。
36
聽見多多人經過,就問是甚麼代誌。
37
人給伊講,拿撒勒耶穌對遮過。
38
伊就喉叫講:「大衛的後裔耶穌,可憐我!」
39
頭前行的人責備伊,教伊著靜靜;若是伊益發大聲喉叫講:「大衛的後裔啊,可憐我!」
40
耶穌停腳,教人牽伊來,已經近倚,就問伊講:
41
「愛我給你做甚麼?」伊就講:「主啊,我愛得著看見,」
42
耶穌給伊講:「你通得著看見!你的信有救你啦。」
43
伊連鞭得著看見,就隨耶穌,歸榮光上帝。眾人看見也攏歸榮光上帝。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!