路加福音 第 20 章 - 台語漢字羅馬本

1
有一日,耶穌佇殿裡教示百姓,傳福音的時,許個祭司頭經學士及長老迫倚來,對伊講:
2
「著給阮講,你用甚麼權行諸個事?閣用此個權互你的是是誰?」
3
伊應講:「我也問恁一句話,恁給我講。
4
約翰的洗禮是對天?抑是對人啊?」
5
相及議論講:「若講『對天』,伊欲講:『按呢恁啥事呣信伊?』
6
若講『對人』,百姓攏欲用石頭擲咱,因為百姓攏深信約翰做先知。」
7
就應講:「呣知伊是對叨落。」
8
耶穌就給講:「我也無欲給恁講我是用甚麼權行諸個代誌。」
9
耶穌就設此個譬喻對百姓講:「有一人栽葡萄園,租互佃戶,就去別位久久。
10
到期,差一個奴僕就近佃戶,教將園內的果子納伊;總是佃戶拍伊,互伊空空去。
11
閣差別個奴僕,也拍伊,也凌辱伊,互伊空空去。
12
閣差第三個,也傷伊,閣捙伊出去。
13
園主就講:『我欲怎樣做啊?我欲差我所疼的子,敢會敬伊。』
14
若是佃戶看見伊,就相及議論講:『此個是伊承接業的子,咱來害死伊,互彼個業歸佇咱!』
15
就捙伊出園外,來害死伊。園主欲怎樣來辦啊?
16
伊欲來滅許個佃戶,將伊的園交代別人。」聽見就講:「莫得有按呢!」
17
耶穌看就講:「所記載講:師傅所棄拺的石,成做厝角頭的石。此句怎樣啊?
18
見若跋倒佇此塊石頂的,欲破糊糊;互此塊石壓伊的頂面的,欲幼末末。」
19
彼時許個經學士及祭司頭知伊此個譬喻是指來講,就愛欲下手掠伊,若是驚百姓。
20
就當伊,也差細作假做義人,欲掠伊的話縫,通將伊交付總督的政治及權柄。
21
就問伊講:「先生啊,阮知你所講所教示的是正直,你也無用外貌取人,就是真實用上帝的路教示人。
22
阮納稅互該撒,合宜抑無?」
23
若是耶穌知的奸詐,
24
就對講:「將一個銀仔互我看。此個像及號是是誰啊?」講:「該撒。」
25
伊就給講:「按呢,恁著將該撒的物納互該撒,將上帝的物納互上帝。」
26
當百姓的面前,會掠伊的話縫,閣奇怪伊的應答,就靜靜。
27
有撒都該人就是講人無復活的。幾若個就近來問耶穌講:
28
「先生啊!摩西有記來指示阮講:『若有人,伊的兄死有某也無子,伊的小弟著娶伊的某,生子來續接伊的兄。』
29
按呢有兄弟七人,大的娶某,無子就死;
30
第二個、第三個也娶伊;
31
七個攏按呢,無留子就死去。
32
後來婦仁人也死。
33
按呢,佇復活的時,此個婦仁人欲做中間叨落一個的某?因為此七人攏有娶伊做某。」
34
耶穌給講:「此世界的人有嫁有娶;
35
若是算做會堪得得著彼個世界,也對死人中復活的就無嫁無娶;
36
因為也會閣死,是親像天使一樣;已經做復活的人,就做上帝的子。
37
論死人復活,摩西佇莿帕彼篇有指明,稱呼主做亞伯拉罕的上帝,以撒的上帝,雅各的上帝。
38
伊呣是死人的上帝,是活人的上帝;因為眾人為著伊來活。」
39
有經學士幾若人應講:「先生啊!你所講的是好。」
40
因為呣敢閣問伊甚麼。
41
耶穌就對講:「人怎樣講基督做大衛的後裔啊?
42
因為佇詩篇中大衛家己講:主給我的主講:坐我的大旁,
43
聽候我將你的對敵做你的腳踏椅。
44
大衛既然稱伊做主,就基督怎樣做伊的後裔啊?」
45
當眾百姓聽的時,伊就給伊的學生講:
46
「著持防許個經學士。愛穿長衫四界行,真愛佇街市裡互人請安,會堂內坐高位,筵桌裡坐大位;
47
僥吞守寡人的家伙,假意長長祈禱。欲受罪閣卡重!」

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!