路加福音 第 6 章 - 台語漢字羅馬本

1
有一個安息日,耶穌對麥園經過。伊的學生摘麥穗,用手揉伊來食。
2
有法利賽幾若人講:「安息日所呣應該行的,恁啥事行伊?」
3
耶穌應講:「大衛及跟隨的人枵的時所行的,恁未讀著嗎?
4
伊入上帝的厝,提排列的餅來食,閣互伊跟隨的人,此號餅若呣是祭司,就攏呣應該食。」
5
閣給講:「人子也是安息日的主。」
6
閣一個安息日,耶穌入會堂教示,佇遐有一人伊的正手枯焦。
7
經學士及法利賽人當看伊佇安息日欲醫病抑無,意思是愛尋縫通告伊。
8
耶穌知的意思,就給彼個手枯焦的人講:「起來!徛佇中央。」伊就起來徛。
9
耶穌就對講:「我問恁,佇安息日行好事行歹事,救生命害生命,叨落一項卡合宜啊?」
10
就四界看眾人,給彼人講:「伸你的手!」伊伸出去,手就好好。
11
許個人滿心受氣,相及議論著怎樣來辦耶穌。
12
當彼時,耶穌出去山裡祈禱,通暝祈求上帝;
13
到天光,就叫伊的學生來,對中間揀十二人,稱做使徒。
14
有西門(耶穌閣號伊的名做彼得),及伊的兄弟安得烈,閣有雅各及約翰,腓力及巴多羅買,
15
馬太及多馬,亞勒腓的子雅各及稱做西羅底的西門,
16
雅各的子猶大,及賣先生的加略人猶大。
17
耶穌及落來,徛佇平的所在;有伊多多的學生及歸大陣的百姓,對猶太全地及耶路撒冷,以及推羅、西頓沿海墘的地來,欲聽伊,也欲得著醫好的病;
18
閣有互邪神所刁難的,也得著醫好。
19
眾人攏愛摸伊;因為有權能對伊出,來醫好大家。
20
耶穌抬目看伊的學生,講:恁喪鄉的人有福氣啊!因為上帝的國是恁的。
21
恁現在枵的人有福氣啊!因為恁欲得著飽。恁現在啼哭的人有福氣啊!因為恁欲笑。
22
「人為著人子來怨恨恁,拒絕恁,詈罵恁,掠恁的名做歹,來棄拺伊,恁就有福氣啊!
23
當彼日,恁著歡喜趒跳,因為佇天裡恁的報賞是大。是的祖款待先知也是按呢。
24
若是恁好額人有災禍啊!因為恁已經受著恁的安慰。
25
恁現在飽的人有災禍啊!因為恁欲枵。恁現在笑的人有災禍啊!因為恁欲哀傷啼哭。
26
「恁互眾人謳咾的有災禍啊!因為的祖款待假的先知也是按呢。」
27
「若是我給恁聽的人講,對敵恁的,著疼!怨恨恁的,著好款待!
28
詈罵恁的,著給祝福!凌辱恁的,著替祈禱!
29
人搧你此旁的嘴,就著越彼旁向伊。人提恁的外衫,連內衫也莫得擋伊。
30
凡若求你的,著互伊。提你的物的,莫得閣給伊討。
31
恁愛人怎樣款待恁,也著按呢款待人。
32
恁若疼許個疼恁的,有甚麼恩惠?因為歹人也是疼許個疼的人。
33
恁若好款待許個好款待恁的,有甚麼恩惠?因為歹人也是按呢行。
34
恁若借許個,有通向望伊還的,有甚麼恩惠?因為歹人也借歹人,愛照數額來還。
35
若是恁著疼恁的對敵,好款待,借人也無絕望,恁的報賞就大,閣恁欲做至高者的子兒,因為伊好款待忘恩及歹的人。
36
所以恁著有憐憫,親像恁的父的憐憫一樣。」
37
「莫得批評人,就無抵著批評;莫得責罪人,就無抵著責罪;恁放人息,就欲放恁息;
38
互人,就欲互恁,欲用足額的斗,扼、搖,互伊實到出來,傾佇恁的衫仔帕;因為恁用甚麼量來量,也欲按呢倒量互恁。」
39
閣用譬喻給講:「睛暝的會給睛暝的導路嗎?二個豈攏跋落陷坑嗎?
40
學生會過先生;總是見若成做齊備的欲親像伊的先生。
41
閣你怎樣看見兄弟目睭內的草仔幼,也無想你目睭內的楹仔柴啊?
42
抑是欲豈會給你的兄弟講:『兄弟啊,你目睭內的草仔幼互我給你提去』,也本身無看見你目睭內的楹仔柴啊?假好的人啊!代先提去你目睭內的楹仔柴,才會明明看見,通提去兄弟目睭內的草仔幼。」
43
「因為,無有好樹結歹果子,也無有歹樹結好果子。
44
因為逐欉樹對伊家己的果子,來識伊。莿帕內無人挽無花果,草茦內無人摘葡萄。
45
好人對伊的心所積聚的好來發出好;歹人對伊所積聚的歹來發出歹;因為對心所充滿的,嘴就講出。」
46
「恁啥事稱呼我『主啊,主啊』也無行我所講的啊?
47
見若就近我,聽我諸個話來行伊的人,我欲報恁知彼個人親像甚麼:
48
伊是親像人起厝,掘互伊深,下地基佇石磐頂;大水一下到,溪流沖著厝,會搖動伊,因為伊起得好。
49
若是聽了無行的人,是親像人起厝佇土頂,無下地基;溪流沖著伊,就倒,彼間厝的倒壞是傷重。」

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!