馬可福音 第 10 章 - 台語漢字羅馬本

1
耶穌對遐起身,到猶太的地界到約但河外。多多陣的人閣聚集就近伊,伊照常閣教示。
2
有法利賽人就近伊問講:「人離出伊的某通嗎?」是試伊。
3
耶穌應講:「摩西命令恁怎樣?」
4
講:「摩西准人寫離書來離伊。」
5
若是耶穌給講:「摩西因為恁的心硬,才寫此個命令互恁;
6
總是對造化的起頭,主創造有男有女。
7
因為按呢,人欲離開父母,結聯伊的某,二個欲成做一體。
8
親像按呢,無做二個,是做一體。
9
所以,上帝所配合的,人呣通分開伊。」
10
入厝,學生閣將此個代誌問伊。
11
伊給講:「凡若離出伊的某來娶別個的,是行姦淫,來辜負伊;
12
某若棄拺伊的丈夫來嫁別個,也是行姦淫。」
13
有人帶細子就近耶穌,欲互伊摸,學生責備。
14
耶穌看見按呢大無歡喜,給學生講:「容允細子就近我,莫得禁;因為上帝的國,是此號人的。
15
我實在給恁講,凡若承接上帝的國,無親像細子的,決斷得入去。」
16
就抱,給按手,祝福。
17
耶穌出去佇路裡,有一人走進前,來跪伊,問講:「好的先生啊,我著怎樣做才通承接永活?」
18
耶穌給伊講:「你啥事稱呼我是好啊?無一個好,獨獨上帝若定。
19
諸個誡你已經知:莫得死人;莫得姦淫;莫得偷提;莫得濫糝做干證;莫得剋虧人;著敬你的父母。」
20
伊應講:「先生啊,諸個我對細漢攏守伊。」
21
耶穌看伊,疼伊,就給伊講:「你猶欠一項:著去賣你凡所有的,來互喪鄉人,就欲有財寶佇天裡;閣來隨我。」
22
伊聽此個話,面就失色,憂悶就去,因為伊產業真多。
23
耶穌四界看,給伊的學生講:「富人入上帝的國啊!」
24
學生奇怪伊的話。耶穌閣應講:「細子啊,倚靠錢財的人入上帝的國啊!
25
駱駝穿過針鼻比富人入上帝的國猶卡快。」
26
學生益發卬愕,給伊講:「按呢是誰會得著救啊?」
27
耶穌看,講:「在人是會,在上帝就呣是按呢,因為在上帝萬事攏會。」
28
彼得就給伊講:「阮曾放拺一切來隨你。」
29
耶穌講:「我實在給恁講,無有人為著我及福音的緣故放拺厝宅、兄弟、姊妹、老母、老父、子兒、田園,
30
就佇現時無得著百倍,就是厝宅、兄弟、姊妹、母親、子兒、田園,兼有窘逐,閣佇來世欲得著永活。
31
總是,代先的多多,欲做路尾,路尾的,也欲做代先。」
32
上耶路撒冷。佇路裡耶穌行佇頭前,學生卬愕,隨的人驚惶。耶穌閣帶十二個學生,將伊所欲抵著的事給講:
33
「今咱上耶路撒冷,人子欲受解送互諸個祭司頭及經學士,欲擬伊死罪,也欲解送伊互外邦人。
34
欲戲弄伊,呸涎伊,鞭拍伊,害死伊。過三日伊欲復活。」
35
西庇太的子雅各及約翰就近,來給伊講:「先生啊,見若阮所對你求的,愛你給阮行伊。」
36
伊就給講:「愛我給恁行甚麼啊?」
37
給伊講:「准阮佇你的榮光,一個坐你的正旁,一個坐你的倒旁。」
38
若是耶穌給講:「恁所求的恁呣知。我所飲的杯,恁會飲嗎?我所受的洗,恁會受嗎?」
39
講:「會。」伊給講:「我所飲的杯,恁欲飲伊;我所受的洗,恁欲受伊;
40
總是坐我的正旁倒旁,呣是我會通互人,獨獨為著甚麼人備辦的,就互伊。」
41
十個學生聽見,就受氣雅各及約翰。
42
耶穌叫來,給講:「恁知,外邦所尊做人君的,做主來治理,的大人管轄。
43
獨獨恁中間,呣是按呢。恁中間,愛做大的,欲做恁的差用;
44
恁中間,愛做頭的,欲做眾人的奴僕。
45
因為人子到,呣是欲差用人,是欲互人差用,閣獻伊的生命來贖回多多人。」
46
到耶利哥;耶穌及伊的學生及大陣人出耶利哥的時,有底買的子巴底買,就是睛暝做乞食者,坐佇路邊。
47
已經聽見是拿撒勒人耶穌,就喉叫講:「大衛的後裔耶穌!可憐我!」
48
多多人責備伊,教伊靜靜。若是伊益發大聲喉叫講:「大衛的後裔啊,可憐我!」
49
耶穌停腳,講:「叫伊來。」就叫睛暝人,給伊講:「安你的心,起來!伊叫你啊。」
50
伊就放拺伊的衫,跳起來,去就近耶穌。
51
耶穌應伊講:「愛我給你做甚麼?」睛暝人給伊講:「拉波尼,我愛得著看見。」
52
耶穌給伊講:去啊!你的信有救你啦。」伊連鞭得著看見,就佇路裡隨耶穌。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!