馬可福音 第 6 章 - 台語漢字羅馬本

1
耶穌對遐出去,到伊的本鄉;伊的學生隨伊。
2
到安息日,就佇會堂教示人。多多人聽見,就奇怪,講:「此個人對叨落會按呢啊?閣所賞賜互伊的智慧是甚麼啊?也有按呢的大權能對伊的嘴出,是怎樣?
3
此個豈呣是木工嗎?豈呣是馬利亞的子雅各、約西、猶大、西門的兄弟嗎?伊的姊妹豈呣是及咱佇遮嗎?」就厭賤伊。
4
耶穌就給講:「先知佇本鄉、宗族、家己的家以外,無呣尊貴。」
5
伊佇遐得行甚麼權能,不過用手按幾若個病人,來醫好。
6
閣奇怪呣信,就四界行許個鄉社教示人。
7
耶穌召十二個學生來,就差一對一對出去,賞賜有權,來制壓許個邪神;
8
閣吩咐:「莫得帶路費,獨獨一支柺仔,莫得乾糧,莫得褡褳,莫得囥錢佇腰帶;
9
著穿出路的鞋,也莫得穿二領衫」;
10
閣給講:「見若恁所入的厝,著住佇遐,直到離開彼個地方的時。
11
無論甚麼所在呣接納恁,呣聽恁的,到離開遐的時,著拂去腳跡底的土粉,來對做干證。」
12
就出去宣傳,講人著反悔,
13
也趕出多多鬼,用油抹多多破病的人,醫好。
14
希律王聽見,因為耶穌的名聲已經出,就講:「行洗禮的約翰對死人中復活,所以有諸個權能對伊顯出。」
15
若是有別人講:「是以利亞。」閣有人講:「是先知,親像先知中的一個。」
16
總是希律聽見就講:「我所頭的約翰,已經復活。」
17
因為希律家己曾差人掠約翰,縛伊佇監裡,是為著希律的兄弟腓力的某希羅底的緣故,因為希律有娶伊。
18
是約翰曾給希律講:「你娶兄弟的某是不該。」
19
希羅底就怨恨約翰,愛伊,也得著;
20
因為希律知約翰的做人義,閣聖,所以驚畏,來保護伊,聽伊的話,就大大躊躇,也歡喜聽伊。
21
當著好機會的日,就是希律佇生日,辦桌,請許個大官、千總,及加利利尊貴的人。
22
希羅底親生的查某子入去跳舞,互希律及同桌的人攏歡喜。王就給查某囝仔講:「見若你所愛的求我,我欲互你;」
23
閣及伊咒誓講:「見若你所求我的,雖然我國的一半,我也欲互你。」
24
查某囝仔出去給伊的老母講:「我欲求甚麼?」應講:「行洗禮約翰的頭殼。」
25
查某囝仔連鞭走入去見王,求講:「我愛你將行洗禮約翰的頭殼貯佇盤裡即時互我。」
26
王就大憂悶;總是為著伊所咒的誓,閣有同桌的人佇,所以呣愛推辭,
27
王即時差一個侍衛,吩咐取伊的頭殼來。
28
伊就去監裡,伊的頭,貯伊的頭殼佇盤裡,捧來互查某囝仔,查某囝仔就互伊的老母。
29
約翰的學生聽見,就來收伊的身屍,埋葬佇墓裡。
30
使徒聚集就近耶穌,將所行、所教示的攏給伊講。
31
耶穌給講:「恁家己及我來去曠野的所在歇睏霎仔久。」因為往來的人多,連食也顧得。
32
就上船,去曠野的所在家己住。
33
眾人看見去,有多多人知,就對逐個城步行相及走,代先到。
34
耶穌出去,看見歸大陣的人,就憐憫伊,因為親像羊無牧者,才用多多項教示。
35
日欲落,伊的學生就近伊,講:
36
「遮就是曠野,日欲落啦,請四散眾人,互去周圍的鄉社,家己買物通食。」
37
伊應講:「恁互食。」給伊講:「總無阮用二百個銀仔去買餅來互食嗎?」
38
伊給講:「恁有餅偌多,去看覓。」已經知,就講:「五個餅,二尾魚。」
39
伊就吩咐,互眾人排歸列坐佇青翠的草埔。
40
就分隊來坐,有的一百,有的五十。
41
耶穌提彼五個餅,二尾魚,向天來祝謝,擘餅互學生,來排佇眾人的面前,也用二尾魚分互眾人。
42
攏食到飽。
43
拾許個餅碎及魚屑,滿十二筐。
44
食餅的人查甫的有五千。
45
耶穌連鞭迫伊的學生上船,代先過去彼旁岸到伯賽大,聽候伊四散眾人。
46
已經及離別,就去山裡祈禱。
47
已經暗,船佇海中,只有耶穌家己佇岸裡;
48
看見學生划槳真艱苦,因為是對頭風。暝時約略四更,耶穌對海面行,就近,愛欲對遐過去。
49
看見伊行佇海面,掠做怪物,就喉叫;
50
因為攏看見伊,就生驚。耶穌連鞭及講話給講:「安恁的心!是我,呣免驚!」
51
就上船就近,風就定;心內不止卬愕。
52
因為曉悟彼個餅的神蹟,也的心鈍。
53
過去了,就到革尼撒勒地,船拋佇岸裡,
54
已經離開船,人連鞭認得伊,
55
遍遍走彼個地方,聽見伊佇甚麼所在,就將舖仔扛病人到遐。
56
見若伊所入的鄉社、城市、鄉下,將病人下佇街市,求伊若使互摸伊的衫仔裾的鬚;見若摸的人攏得著好。

如需更多版本聖經,請到台灣聖經公會聖經網站瀏覽與查詢
台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!