馬太福音 第 5 章 - 台語漢字羅馬本

1

耶穌看見許個歸陣的人，就絔上山，已經坐，伊的學生就近伊，

2

伊開嘴教示，講：

3

心內喪鄉的人有福氣！因為天國是的。

4

憂悶的人有福氣！因為欲受安慰。

5

溫柔的人有福氣！因為欲承接土地，

6

枵嘴乾欣慕義的人有福氣！因為欲得著飽，

7

憐憫人的人有福氣！因為欲得著憐憫，

8

清氣心肝的人有福氣！因為欲看見上帝。

9

互人和平的人有福氣！因為欲稱做上帝的子。

10

為著義曾受窘逐的人有福氣！因為天國是的。

11

「為著我人才詈罵恁，窘逐恁，誹謗恁萬項的歹，恁就有福氣！

12

著歡喜快樂，因為恁佇天裡的報賞是大。因為恁以前的先知人，人亦按呢窘逐。」

13

「恁是地上的鹽。鹽若失味，欲用甚麼互伊鹹？後來無路用，不過佇外面，互人睭踏若定。

14

恁是世間的光。城起佇山頂會隱密。

15

無人點燈，下佇斗下，就是下佇燈台頂，就遍照厝內的人。

16

按呢恁的光著照佇人的面前，互看見恁的好所行，來歸榮光互恁佇天裡的父。」

17

「莫得拍算我來是欲廢無律法抑是先知。我來呣是欲廢無，是欲應驗。

18

因為我實在給恁講，就到天地廢無，律法的一點一畫亦決斷廢無，到攏總成。

19

所以，見若毀壞諸個誡命至微細的一條，續按呢教示人的，佇天國欲稱伊做至微細。獨獨見若行續教示人的，佇天國欲稱伊做大。

20

因為我給恁講，設使恁的義無贏過經學士及法利賽人的義，決斷得入天國。」

21

「恁曾聽見有對古早人講：『呣通害死人；害死人的著受審判。』

22

總是我給恁講，見若受氣伊的兄弟的，著受審判；見若對伊的兄弟講拉加的，著受公會辦；見若講魔利的，著受地獄的火。

23

所以，你若獻你的禮物佇祭壇，也佇遐記得你的兄弟有甚麼脅嫌你，

24

著佇遐放下你的禮物佇壇前，代先去及你的兄弟和好，然後來獻你的禮物。

25

你猶及你的對敵佇路裡，著緊緊及伊和，驚了對敵交你互審判官，審判官交你互衙役，你就受關落監。

26

我實在給你講，一絲一毫未還，你決斷會出遐。」

27

「恁曾聽見有話講：『呣通行姦淫。』

28

若是我給恁講，見若看見婦女來動起慾念的，心內已經淫伊。

29

設使你的正目致到你犯罪，就著挖擲，寧可百體喪失一體，免致你全身落地獄。

30

設使你的正手致到你犯罪，就著斬擲，寧可百體喪失一體，免致你全身去地獄。」

31

「閣有話講：『人若欲離伊的某，著用離書互伊。』

32

若是我給恁講，見若呣是為著姦淫的緣故，來離伊的某，便是互伊做有淫行的；見若娶所離的，亦是行姦淫。」

33

「閣恁曾聽見有對古早人講：『呣通背咒誓，你所咒的誓著還互主』

34

若是我給恁講，一概莫得咒誓。莫得指天，因為天是上帝的座位；

35

莫得指地，因為地是伊的腳踏；莫得指耶路撒冷，因為是大人君的城；

36

亦莫得指你的頭殼來咒誓，因為一支頭毛你互伊做黑做白。

37

若是恁的話著講，是，就是；呣是，就呣是；諸個以外是對彼個歹的出。」

38

「恁曾聽見有話講：『目睭賠目睭，嘴齒賠嘴齒。』

39

若是我給恁講，莫得及歹抵敵。若有人搧你正旁的嘴，倒旁的亦越互伊；

40

有人愛告你，提你的內衫，外衫亦放互伊；

41

有人勉強你行一里，就及伊行二里；

42

對你求的，互伊；欲給你借的，莫得越走。」

43

「恁曾聽見有話講：『著疼你的厝邊，怨恨你的對敵。』

44

若是我給恁講，對敵恁的著疼，窘逐恁的著替祈禱。

45

互恁成做恁佇天裡的父的子；因為伊互伊的日起來照歹人及好人；亦用雨沃義及不義的人。

46

因為恁若疼疼恁的，有甚麼報賞？許個抽餉者豈無按呢行嗎？

47

恁干單請安恁的兄弟，有甚麼卡贏人？外邦人豈無按呢行嗎？

48

所以，恁著純全，親像恁的天父的純全。」