馬太福音 第 9 章 - 台語漢字羅馬本

1
耶穌落船,過海,去到伊的本城。
2
抵當有人扛一個半 者倒佇舖仔裡來就近伊。耶穌看見的信,就給半 者講:「子啊,做你安心!你的罪赦啦。」
3
有經學士幾若人心內講:「此人僭權濫糝講。」
4
耶穌知的心意,就講:「恁啥事心內囥歹意思啊?
5
講『你的罪赦』,抑是講『起來行』,叨落一項卡快?
6
總是欲互恁知,人子佇地裡有權通赦罪」;就給半 者講:「起來!夯你的舖仔倒去你的厝。」
7
伊就起來,倒去伊的厝。
8
眾人看見就驚,歸榮光上帝,就是用此號權互人的。
9
耶穌對遐經過,看見一人名馬太,坐佇餉關;就給伊講:「隨我。」伊就起來隨伊。
10
耶穌坐桌佇伊的厝,有多多抽餉者及歹人來,及耶穌參伊的學生同坐。
11
法利賽人看見,給伊的學生講:「恁先生啥事及抽餉者以及歹人相及食?」
12
耶穌聽見,就講:「勇健的人無欠用醫生,獨獨破病的就著。
13
總是,『我愛憐憫,呣愛祭祀。』此句甚麼意義,恁著去學。因為我來呣是欲招義人,是欲招歹人。」
14
彼時,約翰的學生就近伊,講:「阮及法利賽人沓沓禁食,若是你的學生無禁食,是怎樣?」
15
耶穌給講:「新子婿及賀娶的人相及佇,賀娶的人豈會哀傷嗎?獨獨時日欲到,新子婿對中間無去,彼時就欲禁食。
16
無人用新布補舊衫;因為所補的彼塊會糾裂彼領衫,伊的破孔閣卡大。
17
人也無用新酒貯佇舊皮囊;若是有,就囊裂,酒漏,囊亦續歹。獨獨用新酒貯佇新皮囊,就二項攏保全。」
18
講諸個話的時,抵當有一個官來拜伊,講:「我的查某子抵仔死,總是你來用手摸伊,伊就會活。」
19
耶穌起來隨伊去;伊的學生亦去。
20
抵當有一個婦仁人,血漏十二年,行倚伊的尻脊後,摸伊衫仔裾的鬚;
21
因為伊心內拍算講:「我干單摸伊的衫,就會好。」
22
耶穌越轉身,看伊,就講:「婦仁人啊,做你安心!你的信互你好啦。」對彼時,婦仁人就好。
23
耶穌到彼個官的厝,看見歕笛仔的,也有眾人哭,
24
就講:「退去!因為查某囝仔呣是死,是睏。」就冷笑伊。
25
已經趕眾人出,就入去,牽伊的手,查某囝仔就起來。
26
此個風聲遍傳佇彼個地方。
27
耶穌對遐經過,有二個睛暝人隨伊,叫講:「大衛的後裔,憐憫阮!」
28
已經入厝,睛暝人就近伊。耶穌給講:「恁信我會做此個事嗎?」應講:「主啊,有。」
29
伊就摸的目睭,講:「照恁的信給恁做成。」
30
的目睭就開。耶穌嚴嚴吩咐講:「謹慎,莫得互人知。」
31
若是出去,遍傳伊的名佇彼地方。
32
出去的時,抵當有人導一個啞口患著鬼者來就近耶穌。
33
鬼已經趕出,啞口者就講話。許個眾人攏奇怪,講:「以色列中,未曾看見按呢。」
34
若是法利賽人講:「伊倚靠鬼王來趕鬼。」
35
耶穌遍行諸個城諸個鄉社,佇的會堂教示人,傳天國的福音,醫好逐樣的症頭逐樣的病疼。
36
伊看見許個眾人,就可憐;因為困苦四散,親像羊無牧者。
37
對按呢就給伊的學生講:「通收成的是多,做工者是少。
38
所以,恁著求園主迫工去給伊收成。」

如需更多版本聖經,請到台灣聖經公會聖經網站瀏覽與查詢
台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!