彌迦書 第 2 章 - 台語漢字羅馬本

1
佇眠床圖謀罪過、造作奸惡者!到天光,因為手有力就去行伊,此號人有災禍啊!
2
貪人的田園就搶伊,貪人的厝宅就佔伊;壓制人及伊的家,就是人及伊的產業。
3
所以耶和華按呢講:看啊,我圖謀降災禍佇此個族;恁會互伊脫離恁的頷頸;恁也會頭殼抬高高來行,因為此個時勢真歹。
4
到彼日,人欲用俗語批評恁,閣欲用哀慘的哀歌,來哀傷講:阮攏衰敗!伊變換我的百姓的份額,伊移徙伊離開我到怎樣啊?伊將阮的田地分互悖逆的人。
5
所以佇耶和華的大會中,你的確無人通拈鬮牽繩線。
6
宣傳講:恁呣通宣傳;無欲宣傳諸個事;凌辱無欲息。
7
恁得著稱做雅各的家啊,耶和華的神豈是狹窄嗎?諸個事豈是伊所做嗎?我的話豈無利益行正直的人嗎?
8
總是,近日我的百姓起來親像對敵,對許個安然經過,呣愛交戰的人,搶伊的外衫及內衫。
9
我的百姓的婦仁人,恁趕出安樂的家,閣將我的榮光對的細子永遠搶去。
10
起來啊!去啊!遮呣是恁安息的所在;因為地已經互污穢所敗壞,伊的敗壞是傷重。
11
若有人講荒唐,及白賊話,講:我欲對恁宣傳薄酒及厚酒。就此人欲做諸個百姓的先知。
12
雅各啊,我的確欲聚集恁,我的確欲招集以色列剩的人,我欲安置佇一所在,親像波斯拉的羊,閣親像草場中的羊群;因為人額多欲大大喧嘩。
13
攻破者佇的頭前上去;攻破直直經過到城門,閣對遐出來。的王做頭行;耶和華導去。

如需更多版本聖經,請到台灣聖經公會聖經網站瀏覽與查詢
台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!