彌迦書 第 7 章 - 台語漢字羅馬本

1
我有災禍啊!我親像夏天的果子收成了的時,閣親像挽葡萄所剩的零星粒,無歸葩通食;我的心欣慕起頭熟的無花果。
2
地上虔誠的人死無;佇人的中間無正直者;攏埋伏,欲死人,用羅網當伊的兄弟。
3
的手專專做歹;首領及審判司討賄賂;大官員吐出伊心內的私慾,相及組織歹。
4
中間第一好者,親像蒺藜;第一正直者,親像籬笆的莿仔。你的守望者所講的日,就是你受刑罰的日近啦。的迷亂到啦。
5
莫得倚靠同伴;莫得信親密的朋友。著約束你的嘴;莫得對所疼的某講起。
6
因為,子藐視老父;查某子忤逆老母;媳婦忤逆乾家;人的對敵就是伊家內的人。
7
若是我,我欲向望耶和華,亦欲聽候救我的上帝;我的上帝欲聽我。
8
我的對敵啊,莫得因為我來歡喜。我雖然跋倒,欲閣起來;我坐佇黑暗,耶和華做我的光。
9
我欲忍受耶和華的受氣;因為我得罪伊,聽候伊辯護我的案,給我判斷。伊欲導我出來到佇光明;我也欲看見伊的公義。
10
彼時我的對敵,就是曾對我講「耶和華──你的上帝佇叨落」者,伊一下看見就大大見誚。我欲親目看見伊;伊欲受睭踏,親像街路的土糜。
11
起你的城牆的日到啦,彼日,你的地界欲開闊。
12
彼日,欲對亞述,到埃及諸個城,對埃及到大河,對此個海到彼個海,對此個山到彼個山,攏欲歸倚。
13
總是,地欲因為徛起的百姓的緣故,來拋荒,是行做的結果。
14
求你用你的枴仔飼你的百姓,就是你的產業的羊群,佇迦密山家己踮佇樹林內者。飼佇巴珊及基列,親像早時一樣。
15
我欲顯出奇事互伊看,親像你出埃及地的時一樣。
16
列邦看見就欲為家己的勢力見誚;欲用手掩嘴,的耳孔也欲臭聾。
17
欲舐土粉親像蛇,親像佇土腳趖的物,愕愕惙出伊的孔。欲驚惶來歸咱的上帝──耶和華,閣因為你來驚惶。
18
上帝啊,是誰親像你,是赦免罪過,寬恕伊所剩的百姓的過失者,伊無永永囥受氣,因為伊歡喜憐憫?
19
伊欲越轉憐憫咱,伊踏咱的罪惡佇腳下,你欲將一切的罪惡佇深海。
20
你欲照古早所對阮的列祖咒誓者者,是誠實佇雅各,行慈愛佇亞伯拉罕。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!