尼希米記 第 13 章 - 台語漢字羅馬本

1

彼日，人讀摩西的冊互百姓聽，抵著冊內有記講，亞捫人及摩押人永遠得通入上帝的會；

2

因為無用食物及水來迎接以色列人，反轉請巴蘭來咒詛，總是阮的上帝互彼個咒詛變做祝福。

3

聽見律法了後，就對以色列中分開許個雜族的人。

4

此個代誌以前，管理阮上帝殿內的房間的祭司以利亞實及多比雅結盟，

5

就為著伊備辦一間大間房，前佇彼間收囥素祭，乳香、器具，及照例供給利未人、唱歌者、顧門者、五穀、新酒，及油的十份一，及歸互祭司舉祭的物。

6

當彼時我無佇耶路撒冷；因為巴比倫王亞達設西三十二年，我越去王遐。過幾若日，我對王告假。

7

我到耶路撒冷就知以利亞實為多比雅所行的歹代佇上帝殿的院內為伊備辦一間房。

8

我就真迫腹，將多比雅一切的家器攏對房內出去，

9

我出命令人就清氣許個房間，然後我將上帝殿內的器具及素祭、乳香閣搬入來。

10

我也知利未人所應該得著的份額無互，致到擔當職的利未人及唱歌者逐個倒去的田園。

11

我就出力責備許個官長給講：「上帝的殿啥事放荒廢啊？」我就聚集利未人，復倒的原任。

12

對按呢猶大的眾人將五穀、新酒，及油的十份一帶入庫房。

13

我設立祭司示利米雅、經學士撒督，及利未人毗大雅做庫房的官管理庫房；副官是哈難。哈難是撒刻的子；撒刻是瑪他尼的子。因為看此幾人是盡忠，的職份是分發物互的兄弟。

14

我的上帝啊，求你因為此個事著紀念我，莫得擦消我為著上帝的殿及其中許個典禮所行的好事。

15

當許個日，我佇猶大看見人佇安息日踏酒窟，搬稻稛閣互驢載，閣用酒、葡萄、無花果，及逐樣的擔佇安息日擔入耶路撒冷，我就佇賣食物彼日責備。

16

閣有推羅人踮佇彼中間；帶魚及逐樣的貨物，佇安息日賣互猶大人佇耶路撒冷。

17

我就出力責備猶大許個貴族給講：「恁行此號歹干犯安息日是啥事啊？

18

前恁的列祖豈無按呢行，咱的上帝豈無將此個一切的災禍臨到咱及此個城嗎？今恁猶久犯著安息日，互受氣臨到以色列益發傷重！」

19

佇安息日前，耶路撒冷城門黃昏的時，我就命令人關門，閣命令安息日未過身呣通開。我派我幾若個奴僕管理城門，免得有人佇安息日擔甚麼擔入來。

20

對按呢生理人及販賣逐項貨物的，一二擺歇暝佇耶路撒冷的城外。

21

我就責備講：「恁啥事歇暝佇城門口啊？若閣按呢，我欲下手掠恁。」對此霎以後，佇安息日無閣來。

22

我命令利未人清氣家己，來顧守城門，互安息日做聖。我的上帝啊，求你因為此個事來紀念我，照你的大慈悲來疼惜我。

23

當許個日，我也看見猶大人娶亞實突、亞捫、摩押的查某子做某。

24

的子兒講話，一半講亞實突的話，曉講猶大的話，所講的就是照逐族的腔。

25

我就大大責備，罵，拍幾若人，掇的頭毛，教指上帝來咒誓，講恁呣通用家己的查某子嫁互的子，也呣通為恁的子，恁本身娶的查某子。

26

「以色列王所羅門豈呣是佇此號事犯罪嗎？佇多多國的中間無一個王親像伊，閣得著伊的上帝疼伊，上帝設立伊做以色列全國的王；總是外邦的查某子尚且互伊犯罪。

27

按呢，阮豈聽恁行此號大歹，娶外邦的女子干犯咱的上帝嗎？」

28

祭司頭以利亞實的孫、耶何耶大的子，有一個是和倫人參巴拉的子婿，我就趕伊離開我。

29

我的上帝啊，求你記得；因為拍垃墋祭司的職，背祭司利未人的約。

30

按呢，我給除去一切外邦人的款，閣設立祭司及利未人的班，各盡的職。

31

料理定著期燒祭的柴以及起頭熟的土產。我的上帝啊，求你紀念我，賞賜我福氣。