腓利比書 第 3 章 - 台語漢字羅馬本

1
我的兄弟啊,結尾來講,恁著佇主歡喜。我閣寫諸個話互恁,在我費氣,在恁是妥當。
2
著持防諸個歹狗,持防諸個做歹的,持防諸個受傷割的。
3
因為咱用上帝的神來服事,佇基督耶穌來誇口、無倚靠肉體的,才是受割禮的。
4
雖是按呢,我也有通倚靠肉體;若別人掠做有通倚靠肉體,我就閣卡有。
5
我第八日受割禮;是以色列族的人、便雅憫的支派,是希伯來人所生的希伯來人。照律法,就是法利賽人;
6
照熱心,就是窘逐教會;照佇律法的義,就是無縫通嫌。
7
若是平素做我的利益的,我為著基督已經看伊做損害。
8
呣若按呢,我真正看萬事做損害,因為我掠識我的主基督耶穌做第一好。我為著伊曾損失一切,也看做糞埽,是愛得著基督;
9
來長長佇伊,呣是有家己的義出佇律法的,就是有對信基督的義,上帝為著信所賞賜的,
10
互我識伊,及伊復活的權能,以及有份伊的受苦,來學伊的死,
11
看會得通到佇彼個對死人中的復活。
12
呣是講我已經得著,抑是已經完全;獨獨走進前,看會通得著基督耶穌的所以得著我的。
13
兄弟啊,我無掠家己做已經得著,獨獨專務一項,就是記得後面的事,致意頭前的事,
14
向所插的標來走,到得著上帝佇基督耶穌對頂面召咱的賞。
15
所以咱見若做完全的著存此個心志;若佇甚麼事恁存別樣的心志,上帝也欲用此個指示恁。
16
若是咱所已經到的,著照此個來行。
17
兄弟啊,恁著相及學我,恁有阮做模樣,就著致意看許個照按呢行的。
18
因為有多多人行代誌是我曾沓沓給恁講,今也流目屎給恁講的,就是基督十字架的對敵:
19
的結局是沈淪;的上帝是的腹肚。的榮光是佇的見誚,所致志是地上的事。
20
因為咱是天頂的國民,也向望拯救者對遐來,就是主耶穌基督。
21
伊既然有權能會互萬物降服伊本身,就欲用彼個權能來變換咱卑賤的身軀,及伊榮光的身軀同款。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!