腓利比書 第 4 章 - 台語漢字羅馬本

1
所以我所疼、所欣慕的兄弟,做我的歡喜,做我的冕旒的。所疼的啊,著按呢徛在佇主。
2
我勸友阿爹閣勸循都基,著同心佇主。
3
閣真的同伴啊,我也求你幫助此二個婦仁人,因為曾及我同出力佇福音;也及革利免,以及其餘及我同著磨的,的名記佇活命的冊。
4
著常常佇主來歡喜。我欲閣講伊,著歡喜。
5
恁的純良著對眾人顯明。主近了。
6
一概莫得掛慮,獨獨萬事著用祈禱、懇求,及感謝,將恁所求的排列佇上帝。
7
就上帝的平安、過一切人所想會到的,欲佇基督耶穌保守恁的心恁的念頭。
8
今兄弟啊,結尾來講:見若真實的、見若可敬的、見若公義的、見若清潔的、見若通疼的、見若好名聲的、若有甚麼德行、甚麼通謳咾,諸個恁著數念。
9
恁對我所學習,所領受,所聽見,所看見的,攏著行伊,就賞賜平安的上帝欲及恁佇。
10
我佇主大大歡喜,因為恁數念我的心志今有閣發芛;恁平素有此號數念,不過是無機會若定。
11
我講按呢呣是為著用無夠的緣故;因為我已經學習,不論甚麼境遇無呣知足。
12
我知影佇卑賤,也知影佇富足;或是飽,或是枵;或是富足,或是缺欠,凡事我攏老練。
13
佇賞賜我氣力的,我事事攏會。
14
雖是按呢,恁體貼我的患難這是真好。
15
腓立比人啊,恁也家己知佇傳福音的起頭,我離開馬其頓的時,及我接手的,只有恁,別個教會無。
16
因為連我佇帖撒羅尼迦的時,恁也一擺閣一擺差人供給我所欠用。
17
呣是我求人送物,獨獨是求果子愈多,來記落恁的數。
18
若是我有諸個物,夠額有剩。我已經充足,是曾對以巴弗提受著恁寄來的物,就是芳芳的味,做通接納的祭物,上帝所歡喜的。
19
閣我的上帝欲照伊榮光中的富有,佇基督耶穌,補足恁一切的欠缺。
20
願榮光歸佇咱的上帝咱的父,到代代無息。阿們!
21
請安佇基督耶穌逐個聖徒。諸個及我佇的兄弟請安恁。
22
諸個聖徒攏請安恁。屬佇該撒的家的閣卡致意請安恁。
23
願主耶穌基督的恩典及恁的神相及佇!

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!