箴言 第 16 章 - 台語漢字羅馬本

1
心的計謀在佇人;舌的應答是對耶和華。
2
人一切的所行家己看做清氣;獨獨耶和華測 人的心。
3
你所做的,攏著交託耶和華,你所計謀的,就會穩當。
4
耶和華所造的,攏合伊的路用;連歹人也合佇災禍的日。
5
見若心驕傲的,是耶和華所厭惡;雖然手牽手,也免受刑罰。
6
對憐憫及誠實,罪過得著贖回;對敬畏耶和華,就離開歹代。
7
人的所行,若互耶和華歡喜,連伊的對敵耶和華也互及伊和。
8
多多錢,也不義,呣值著少少錢,閣有公義。
9
人的心計劃伊的路;獨獨耶和華定著伊的腳步。
10
王的嘴內有神的話,審判的時,伊的嘴就無差錯。
11
公道的天秤及秤攏屬耶和華,袋仔內一切的鉈子攏是伊所定著。
12
做歹,是王所厭惡,因為座位是對公義來堅固。
13
公義的嘴唇是王所歡喜;講話正直的,是王所疼。
14
王的大受氣親像互人死的使者;獨獨智慧的人會互伊息。
15
王的面色的光互人有活命;王的恩典親像春雨的雲。
16
得著智慧比得著金加偌好;揀著聰明比得著銀猶卡好。
17
正直的人的大路是離開歹;謹慎守伊的路的,是保全伊的生命。
18
驕傲是失敗的代先;自高的心就是跋倒的代先。
19
心謙卑及喪鄉人相及住,贏過及驕傲的人相及分所搶的物。
20
致意佇道理的,欲得著利益;倚靠耶和華的,有福氣。
21
心智慧的,稱做通達;好口才,會加添人的學問。
22
人有明理就有活命的水泉;戇人的責罰就是伊的戇。
23
智慧的人的心教示伊的嘴;閣給伊的嘴唇加添學問。
24
宛轉的話親像蜜房,心知甜,互骨爽快。
25
有一條路,人看做正直,到尾成做死無的路。
26
腹肚枵是勉勵做工的人做工,因為伊的口腹迫伊。
27
無路用的人圖謀損害,伊的嘴唇親像有火燒。
28
乖僻的人四界起相爭;學話的人,互親密的朋友冷淡。
29
強暴的人引誘厝邊,導伊行呣好的路。
30
目睭放瞌圖謀乖僻;嘴唇合倚來成彼個歹事,
31
白頭毛是娞的冕旒,佇義的路會尋著。
32
無快快受氣,贏過勇士;管轄家己的心的,贏過取著城的。
33
拈鬮在佇人,定著代誌攏對耶和華。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!