箴言 第 31 章 - 台語漢字羅馬本

1
瑪撒王利慕伊勒的話,就是伊的老母所教示的。
2
我的子啊,著怎樣?我親生的子啊,著怎樣?我下願得著的子啊,著怎樣啊?
3
呣通將你的精力互婦仁人;你的所行呣通趁許個敗壞王的。
4
利慕伊勒啊,飲酒呣是王所合宜,呣是王所合宜;王親講厚酒佇叨落也是無合宜;
5
驚了飲落去就記得律法,偏斷一切受苦的人的案件。
6
厚酒著互欲死的人,酒著互苦心的人,
7
互伊飲了,記得伊的喪鄉,無閣記得伊的艱苦。
8
你著為著啞口的來開嘴,為著一切無依倚的來伸的冤。
9
你著開嘴照公義判斷,為著困苦及喪鄉的伸冤。
10
有才德的婦仁人是誰會尋著啊?伊的價值大大贏過寶石。
11
伊的丈夫的心倚靠伊,攏無欠缺財利,
12
伊一世人的日互丈夫有利益無損害。
13
伊尋綿羊的毛及幼麻,甘心用手做工。
14
伊親像生理船對遠遠運伊的米糧來,
15
天未光伊就起來,用食物分互家內的人,將應該做的工分派女婢。
16
伊斟酌看田園就買伊;用伊的手所趁的來栽種葡萄園。
17
伊用氣力縖腰,互手骨嚴硬。
18
伊知所經營的有利益;伊的燈通暝無熄。
19
伊的手提 仔,伊的手心按紡車。
20
伊出手賑濟艱苦人,伸手幫助喪鄉人。
21
伊無因為落雪為家內的人掛慮,因為全家攏穿朱紅的衣服。
22
伊為家己做娞的毯仔;伊所穿的就是幼苧布及紫色的布。
23
伊的丈夫佇城門口人人識伊,因為伊及本地的長老相及坐。
24
伊做幼苧布的衣裳去賣,閣將腰帶賣互生理人。
25
氣力及威儀是伊的衣服;伊想著將來的景況就歡喜笑。
26
伊開嘴就講智識的話;伊的舌有仁慈的教示。
27
伊斟酌看家內的事,無食閒飯。
28
伊的子兒起來稱伊有福氣;伊的丈夫也謳咾伊,
29
講:查某子好德行者多多,獨獨你界第一的。
30
好人才是虛假的,娞也是空空;獨獨敬畏耶和華的婦仁人欲得著謳咾。
31
伊的手所做的效果歸伊;伊的工佇城門欲謳咾伊。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!