詩篇 第 102 章 - 台語漢字羅馬本

1
〔困苦的人極軟弱的時,佇耶和華的面前吐出苦情的祈禱。〕耶和華啊,求你聽我的祈禱,互我求叫的聲透到你的面前!
2
我佇危急的日,呣通掩你的面呣看我;求你俯耳孔聽我!我求叫的日,求你緊緊應我!
3
因為,我的日子親像火薰消散;我的骨受燒親像火中的柴。
4
我的心受傷,枯焦親像草,我攏顧得食。
5
因為我吐氣的聲,我的肉 佇骨裡。
6
我親像曠野的鵜鶘鳥;亦親像拋荒的所在的暗光鳥。
7
我歸暝無睏;亦親像厝頂孤單的雀鳥仔。
8
我的對敵通日褻瀆我;痛恨我的人指我來咒詛。
9
我用火灰準飯食,所飲的有參目屎。
10
這是因為你的發性大受氣;因為你將我舉起,閣將我落。
11
我的日子親像日影已經斜;我亦親像草枯焦。
12
獨獨你──耶和華永遠佇;你互人記念到萬代。
13
你欲起來憐憫錫安,因為現在是可憐伊的時,定著的期已經到啦。
14
你的奴僕歡喜錫安的石頭,可憐伊的土粉。
15
列國就欲敬畏耶和華的名;世上諸個王攏欲敬畏你的榮光。
16
因為耶和華起造錫安,佇伊榮光中顯現。
17
伊俯落聽喪鄉人的祈禱,無看輕的祈禱。
18
這欲為後代的人記載,將來受造的百姓欲謳咾耶和華。
19
因為,伊對伊至高的聖所看落來;耶和華對天看落地,
20
欲聽囚犯的吐氣,欲解放擬定著死的人,
21
互人佇錫安傳報耶和華的名,佇耶路撒冷傳報謳咾伊的話,
22
就是萬百姓及列國聚集服事耶和華的時。
23
伊互我的氣力半路衰膦,互我的日子短少。
24
我講:我的上帝啊,呣通佇我中年討我的生命。你的年歲萬世代無窮盡!
25
你起頭下地的地基;天亦是你的手所造的。
26
欲滅無,獨獨你久長佇;欲親像衫漸漸舊。你欲將改換親像改換衫,就變換。
27
獨獨你無變換;你的歲壽無窮盡。
28
你的奴僕的子孫欲長長佇;的後裔欲徛在佇你的面前。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!