詩篇 第 139 章 - 台語漢字羅馬本

1
〔大衛的詩,交互樂官。〕耶和華啊,你已經鑑察我,識我。
2
我坐落去,我絔起來,你攏知;你對遠遠知我的念頭。
3
我行路,我倒佇眠床,你攏詳細知;我一切所行的,你也深知。
4
耶和華啊,我的嘴所講的話,你無一句呣知。
5
你佇我的前後圍我,按手佇我的頂面。
6
此款的知識奇妙,我會測 ,真高,我會到。
7
我欲去叨落閃避你的神?我欲走去叨落、閃避你的面?
8
我若上天,你佇遐;我若睏佇陰間,你亦佇遐。
9
我若展開清早的翅,飛到海的極頭來徛起,
10
就若佇遐,你的手亦欲引導我;你的正手亦欲牽我。
11
我若講:黑暗欲遮蓋我,閣四圍的光欲變做暗暝;
12
就黑暗亦會遮蓋我,互你無看見,黑暗暝親像日時發光。黑暗及光明,在你看攏是一樣。
13
因為我的臟腑是你所創造的;我佇老母的腹肚內,你有庇佑我。
14
我欲感謝你,因為我受造,奇妙通驚;你的所做奇妙,這是我的心深知的。
15
我佇暗中受造,佇地的真底受聯絡;彼時,我的形體無隱瞞佇你。
16
我未成形的體質,你的目睭已經看見;所定著的日,猶未有一日,攏記佇你的冊。
17
上帝啊,你的意思對佇我到即寶貝!彼個數額到即多!
18
我若欲算伊,比海沙卡多;我睏精神的時,猶原及你相及佇。
19
上帝啊,你的確欲剿滅歹人;所以,恁諸個愛互人流血者,著離開我去!
20
因為講歹話抵觸你;你的對敵亦濫糝稱你的名。
21
耶和華啊,怨恨你者,我豈無怨恨嗎?起來攻擊你者,我豈無厭賤嗎?
22
我盡在怨恨,掠做我的對敵。
23
上帝啊,求你鑑察我,知我的心思,試驗我,知我的意思,
24
看我有甚麼歹所行無,導我行永活的路。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!