詩篇 第 141 章 - 台語漢字羅馬本

1
〔大衛的詩。〕耶和華啊,我曾求叫你,求你緊緊臨到我!我求叫你的時,願你俯耳孔聽我的聲!
2
願我的祈禱親像香排佇你的面前!願我的抬起手,親像下昏時的祭祀!
3
耶和華啊,求你顧守我的嘴,把守我嘴唇的門!
4
求你無互我的心偏向邪惡,致到我及作孽的人同行歹代;亦無互我食的好物。
5
義人拍我,我算做仁慈;伊責備我,我算做頭殼頂抹油;我的頭殼無欲越閃。當行歹的時,我猶原欲祈禱。
6
的審判官受落山崁;欲聽我的話,因為這話是甜。
7
阮的骨頭四散佇墓邊,親像人作田、犁開彼個土。
8
主──耶和華啊,我的目睭向你;我倚靠你,求你呣通放拺我的神魂無依倚!
9
求你保護我脫離為著我張的活罩,及行歹的人的圈套!
10
願歹人陷落佇的羅網,總是我得著脫離。

如需更多版本聖經,請到台灣聖經公會聖經網站瀏覽與查詢
台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!