詩篇 第 144 章 - 台語漢字羅馬本

1
〔大衛的詩。〕耶和華──我的石磐是應該謳咾者!伊教示我的手會爭戰,教示我的指頭仔會相。
2
伊是我的慈愛,我的山寨,我的高台,我的救主,我的盾牌,是我所倚靠者;伊互我的百姓降服佇我的下面。
3
耶和華啊,人是甚麼,你竟然識伊!人的子是甚麼,你竟然數念伊!
4
人親像歕一個氣;伊的日子親像影過去。
5
耶和華啊,求你互天垂落,親身降臨,摸山,山就出煙。
6
求你發出閃爁,互四散,射出你的箭,互擾亂。
7
你對頂面伸手救我,救我出大水,救我脫離外邦人的手。
8
的嘴講白賊;的正手是奸詐的正手。
9
上帝啊,我欲對你唱新的歌,用十條弦的瑟唱歌謳咾你。
10
你是彼個拯救列王者;你是彼個救奴僕大衛脫離害命的刀者。
11
求你拯救我,救我脫離外邦人的手。的嘴講白賊;的正手是奸詐的正手。
12
阮的查甫子當少年的時親像樹仔大欉;阮的查某子親像厝角的石,照起宮的款式雕琢的。
13
阮的粟倉滿滿,會出逐樣的米糧;阮的羊佇山野生湠成千成萬。
14
阮的牛拖物滿載,無有人入來侵佔,亦免出去爭戰;阮的街市亦無有啼哭的聲。
15
抵著此號景況的百姓有福氣!有耶和華做的上帝,此號的百姓有福氣!

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!