詩篇 第 145 章 - 台語漢字羅馬本

1
〔大衛謳咾的詩。〕我的上帝我的王啊,我欲尊你做高!我欲永遠謳咾你的名!
2
我欲日日祝謝你,亦欲永遠謳咾你的名!
3
耶和華至大,應該受大的謳咾;伊的大到測 得。
4
此代欲對彼代謳咾你的所做,亦欲報揚你大權能的事。
5
我欲靜靜想你尊貴榮光的威嚴,及你奇妙的所做。
6
人人欲講起你通驚的事的大權能;我亦欲報揚你的至大。
7
欲報揚你大恩的記念,亦欲唱歌謳咾你的公義。
8
耶和華有恩惠,有憐憫,無快快受氣,大大有慈愛。
9
耶和華好款待萬類;伊的憐憫致蔭伊一切所造者。
10
耶和華啊,你一切所造的欲感謝你;你聖的百姓亦欲謳咾你,
11
講起你的國的榮光,談論你的大權能,
12
通互世間人知你大權能的所做,及你國威嚴的榮光。
13
你的國是永遠的國!你執掌的權柄到萬代!
14
凡若跋倒者,耶和華扶持;凡若受壓制者,扶起來。
15
萬項有攏抬目向你;你照時互食物。
16
你開你的手,互有活氣者攏照所愛飽足。
17
耶和華佇伊一切所行的,無呣公義;佇伊一切所做的攏有慈愛。
18
凡若求叫耶和華的,耶和華及親近,就是親近許個誠實求叫伊的。
19
敬畏伊的,伊欲成的心所愛,亦欲聽的求叫,來拯救。
20
耶和華保護一切疼伊的人,總是一切做歹的人伊欲滅無。
21
我的嘴欲講出謳咾耶和華的話;願見有血氣的攏永遠謳咾伊的聖名。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!