詩篇 第 17 章 - 台語漢字羅馬本

1
〔大衛的祈禱〕耶和華啊,求你聽公義,留心聽我的求叫!我的祈禱呣是對奸詐的嘴唇出,求你俯耳孔來聽!
2
願我的判詞對你的面前發出;願你的目睭鑑察正直。
3
你已經試驗我的心;你佇暝時鑑察我;你鍛煉我,無尋著甚麼;我立志互我的嘴無有過失。
4
論到人的行做,我趁你所講的話家己謹守,無行強惡人的路。
5
我的腳定定行你的路;我的腳未曾踏趨。
6
上帝啊,論到我,我曾求叫你,因為你欲應我;求你俯耳孔,聽我的話。
7
求你顯明你各樣的仁慈;你是用正手救倚靠你的人脫離許個起來攻擊者。
8
求你保護我,親像保護目睭仁;將我蓋密佇你的翅下,
9
互我脫離許個搶劫我的歹人,就是圍困我欲害我生命的對敵。
10
互家己的油包密;的嘴講驕傲的話。
11
現在圍困阮的腳步;注目,欲捙倒阮佇地裡。
12
親像獅數想欲咬物,閣親像猛的獅仔肫匿佇暗密的所在。
13
耶和華啊,求你起來,抵當對敵,將伊打倒!用你的刀救我的生命脫離歹人。
14
耶和華啊,用你的手救我脫離世間人,脫離許個佇今生有福份的世間人!你將你的財寶充滿的腹肚;有子兒到心滿意足,將其餘的財物留互的嬰仔。
15
論到我,我欲佇義的中間看見你的面;我睏醒的時,看見你的形容就心滿意足。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!