詩篇 第 45 章 - 台語漢字羅馬本

1
〔可拉後裔教示的詩,閣是愛慕的歌,交互樂官,調是用百合花。〕我的心淐出好的話;我講起我為著王所做的,我的舌是敏捷的人的筆。
2
你比世間人卡好看;佇你的嘴滿滿有恩惠;所以上帝賜福你,直到永遠。
3
大權能者啊,你著佩劍佇腰裡,顯出你的榮光及威嚴!
4
閣佇威嚴的中間,為著真理、謙卑、公義你坐車進前去,無呣得勝;你的正手欲做通驚的事互你看。
5
你的箭肉真利,射著王的對敵的心;列邦倒佇你的下面。
6
上帝啊,你的寶座是永永遠遠的;你的國的權柄是正直的權柄。
7
你歡喜公義,怨恨不法;所以上帝──你的上帝──用歡喜的油抹你,贏過你諸個同伴。
8
你的衣裳攏有沒藥、沈香、肉桂的芳;對象牙的王宮有絲弦的樂器互你歡喜。
9
有王的查某子佇你尊貴婦女的中間;王后用俄斐的金妝飾徛佇你的正旁。
10
查某囝仔啊,你著聽,著看,著俯耳孔!呣通記得你的百姓及你的老父的家,
11
王就欲欣慕你的娞;因為伊是你的主,你著拜伊。
12
推羅的百姓欲來送禮物;百姓中的好額人欲對你求恩。
13
王的查某子佇王宮內極其榮華;伊的衣服是用金線 的。
14
伊欲穿 花的衣服,受導到王的面前;做伴跟隨伊的在室女亦欲受導到你的面前。
15
欲歡喜快樂受引導;欲進入王宮。
16
你的子孫欲續接你的列祖;你欲設立佇全地做王。
17
我欲互你的名萬代互人記念,所以萬百姓欲永永遠遠感謝你。

如需更多版本聖經,請到台灣聖經公會聖經網站瀏覽與查詢
台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!