詩篇 第 55 章 - 台語漢字羅馬本

1
〔大衛教示的詩,交互樂官。用絲弦的樂器。〕上帝啊,求你俯耳孔聽我的祈禱,呣通踮密呣聽我的懇求!
2
求你俯落聽我,應我。我悲傷無平安,哼哼孱,
3
攏是因為對敵的聲,歹人的制壓;因為將罪過捙互我,用受氣迫我。
4
我的心佇我內面真苦痛;死無的驚惶到佇我。
5
驚惶愕愕惙到佇我;驚惶淹密我。
6
我就講:願我得著翅親像鴿,我就飛去,得著安然徛起。
7
我欲飛去遠遠,歇佇曠野。(細拉)
8
我欲緊緊走到閃避的所在,脫離狂風颶頭。
9
主啊,求你吞滅,分開的舌!因為我佇城內曾看見強暴及相爭的事。
10
暝日行踅佇城牆頂;佇城內有虛假惡毒。
11
邪惡佇彼內面;壓制奸詐無離開伊的街路。
12
因為誹謗我的,呣是對敵,設使是就猶會得;自高攻擊我的,呣是怨恨我的人,設使是,就會匿來閃伊。
13
無拍算是你;都是我平輩的人,我的同伴,我知己的朋友!
14
咱平素相及談論,真親密;咱及眾人相及行佇上帝的厝。
15
願死無忽然到佇!互活活落陰間!因為邪惡佇徛起的所在,佇的中間。
16
論到我,我欲求叫上帝;耶和華欲救我。
17
下昏、早起、日晝我欲哀傷吐氣;伊亦欲聽我的聲。
18
伊救贖我的生命脫離攻擊我的人,互我得著平安,因為反對我的人多。
19
對古早常常佇的上帝,欲聽見亦欲報應,就是許個無改變無敬畏上帝的人。
20
伊伸手攻擊及伊相和的人,伊已經背伊的約。
21
伊的嘴滑摘親像奶油,伊的心囥交戰;伊的話柔軟卡贏膏油,其實是出鞘的刀。
22
著將你的擔卸互耶和華,伊欲扶持你;伊永永無互義人搖泏。
23
上帝啊,你欲互陷落佇滅無的坑;死人行奸詐的,活到中年,獨獨我欲倚靠你。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!