詩篇 第 62 章 - 台語漢字羅馬本

1
〔大衛的詩,照耶杜頓的作法交互樂官。〕我的心靜靜,專務聽候上帝;我的拯救是對伊來。
2
獨獨伊是我的石磐,拯救我的;伊是我的高台,我大搖動。
3
恁大家攻擊人,將伊毀壞,親像毀壞敧斜的牆、欲倒的壁,欲到底時啊?
4
相及計謀,專務欲對伊尊貴的位給伊捙落去;歡喜白賊,嘴祝福,心咒詛。(細拉)
5
我的神啊,你著靜靜,專務聽候上帝,因為我的向望是對伊來。
6
獨獨伊是我的石磐,是拯救我的;伊是我的高台,我搖動。
7
我的拯救、我的榮光在佇上帝;我的氣力的石磐、我的閃避的所在亦在佇上帝。
8
恁眾百姓著時時倚靠伊,佇伊的面前傾出恁的心;上帝是咱逃閃的所在。(細拉)
9
卑微的人真正是空虛;尊貴的人也是虛假;下佇天秤碗的確浮起來;一概比呼吸的氣卡輕。
10
呣通倚靠暴虐,呣通因為搶提來驕傲;若財寶加添,呣通注意佇遐。
11
上帝講一擺,我有聽見二項:就是權能屬佇上帝。
12
主啊,慈愛亦是屬佇你,因為你照逐人的所行來報應伊。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!