詩篇 第 73 章 - 台語漢字羅馬本

1
〔亞薩的詩。〕上帝實在好款待以色列,好款待許個心清氣的人!
2
總是論到我,我的腳險險踏脫;我的腳險險趨落去。
3
因為我看見歹人及驕傲的人興旺,彼時我就不平。
4
因為死的時無痛疼;的氣力也勇健。
5
無親像別人勞苦,也無親像別人受災禍。
6
所以,用驕傲做鍊仔掛佇的頷頸;用暴虐做衣裳遮的身軀。
7
因為身體肥目睭就出;所得著的,贏過心所愛者。
8
譏刺靈,照歹意思講制壓人的話;講大話。
9
的嘴褻瀆天;的舌呼喝全地。
10
所以伊的百姓歸倚佇遮,滿杯的水飲到了。
11
講:上帝豈可會知?至高者豈會曉得嗎?
12
看,諸個就是歹人;常常安逸,財寶愈加添。
13
我清氣我的心實在空空,我無罪來洗手也是空空。
14
因為,我通日抵著災禍;逐早起受責備。
15
我若講,我欲按呢講,這是用奸詐款待你的子類。
16
我想愛明白此個理,看了實在為難,
17
到我入上帝聖的所在,詳細想的結局。
18
你實在將下佇滑滑的地,互跋佇沈淪的中間。
19
目 久成做許呢凊凊淒!互驚惶滅到了。
20
人睏精神,怎樣看伊的夢;主啊,你精神也欲按呢看輕的影像。
21
因為,我的心真酸,我的臟腑刺鑿。
22
我此款的愚戇無知,佇你的面前親像精牲一般。
23
總是,我常常及你佇;你牽我的正手。
24
你欲用你的教示引導我,後來欲接納我入佇榮光。
25
你以外,佇天裡我有是誰?你以外,佇地裡我無所欣慕。
26
我的肉體,我的心腸消無;總是上帝是我心肝的氣力,也是我的基業,直到永遠。
27
離開你遠遠的,的確死無;凡若放拺你行姦淫的,你攏滅無。
28
總是我就近上帝是做我的利益;我用主耶和華做我閃避的所在,通互我講起你一切的所做。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!