詩篇 第 79 章 - 台語漢字羅馬本

1
〔亞薩的詩。〕上帝啊,外邦人進入你的產業,拍垃墋你的聖殿,互耶路撒冷變成土堆,
2
將你的奴僕的身屍交互空中的飛鳥做食物,將你聖的百姓的肉交互地上的野獸,
3
佇耶路撒冷周圍流的血親像水,亦無人埋葬伊。
4
阮互阮隔壁國所凌辱,互阮四圍的人冷笑譏刺。
5
耶和華啊,你的受氣欲偌久,到永遠嗎?你的受氣欲親像火嗎?
6
願你將你的受氣傾落佇許個呣識你的外邦,以及許個無求叫你的名的列國。
7
因為吞食雅各,互伊徛起的所在拋荒。
8
求你呣通記得阮的祖公的罪,來對阮討;願你的慈悲緊緊臨到阮,因為阮落到極卑微的地位。
9
救阮的上帝啊,求你因為你的名的榮光幫助阮!因為你的名的緣故救阮,赦免阮的罪。
10
啥事致到外邦人講「的上帝佇叨落」?願你伸你的奴僕流血的冤,互外邦人知互阮親目看見。
11
願囚犯的吐氣透到你的面前;願你照你的大權能保存許個擬定著死的人。
12
主啊,願你將阮隔壁國所凌辱你的凌辱,加添七倍歸佇的身上。
13
按呢,阮做你的百姓,你的草場的羊者,欲感謝你到永遠;欲謳咾你的名,到萬世代。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!