詩篇 第 88 章 - 台語漢字羅馬本

1
〔可拉後裔的詩歌,就是以斯拉人希幔教示的詩,交互樂官。調用麻哈拉利暗俄。〕耶和華──救我的上帝啊,我日暝佇你的面前求叫。
2
願我的祈禱到你的面前;求你俯耳孔聽我祈求!
3
因為我的心滿滿患難;我的生命近佇陰間。
4
我算及落穴的人同列,也親像無得著幫助的人。
5
我受擲佇死人中,親像受的人倒佇墓內。是你無閣記得的,對你的手隔斷。
6
你下我佇極深的穴,佇黑暗的地方,佇深淵。
7
你的受氣重重壓我;你用你一切的海湧苦楚窘迫我。(細拉)
8
及我相識的人你互離開我遠遠,互厭惡我;我受關禁,得出來。
9
我的目睭因為困苦拍歹。耶和華啊,我日日求叫你,我向你抬手。
10
你豈欲行奇事互死人看嗎?總無陰魂猶會起來謳咾你啊?(細拉)
11
豈會佇墓內講起你的慈愛嗎?豈會佇滅無的中間講起你的信實嗎?
12
佇黑暗的所在豈會知你的奇事嗎?佇記得代誌的地方豈會知你的公義嗎?
13
耶和華啊,我有祈求你;佇早起時我的祈禱欲透到你的面前。
14
耶和華啊,你啥事棄拺我?啥事掩你的面呣看我?
15
我對少年受苦,險險死;我受著你的驚惶,致到心紛亂。
16
你的大受氣淹密我;你用驚惶除滅我。
17
諸個通日親像水圍我,一齊來圍困我。
18
你將我的良朋密友隔開遠遠,互我所相識的人入佇黑暗的所在。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!