啟示錄 第 11 章 - 台語漢字羅馬本

1
有互我一支蘆竹,親像枴仔;講:「你起來!量上帝的殿及祭壇,以及佇遐敬拜的人。
2
殿外的院放下莫得量伊,因為已經互外邦人;欲睭踏聖城四十二月日。
3
我欲賞賜我二個干證者,欲穿麻布,傳道理共一千二百六十日。」
4
這就是彼個二欉橄欖樹,及二個燈台,就是徛佇全地的主的面前的。
5
若有人愛害,就有火對的嘴出來,滅的對敵。若有人愛欲害,的確親像按呢受害死。
6
此二人有權會關密天,佇傳道理的日互伊無落雨;亦有權治理諸個水互伊變做血,閣照所愛,不管時通用逐樣的災禍攻擊地。
7
到干證明白的時,對深淵上來的獸欲及交戰,閣欲卡贏來。
8
的身屍倒佇大城的街路;此個城譬喻稱做所多瑪,及埃及,就是的主釘十字架的所在。
9
閣對諸個百姓、諸個宗族、諸個腔口、諸個邦國的中間有人三日半久看的身屍,閣呣准埋葬的身屍佇墓裡。
10
徛起地面上的人就為著歡喜快樂,用物相送,因為此二個先知曾困苦徛起地面上的人。
11
過彼三日半,有活的氣對上帝出的來入佇,就絔起來徛;看見的人大驚。
12
就聽見對天有大聲,給講:「上來遮。」就坐雲上天,的對敵亦看見。
13
當彼時,地有大振動,城倒十份的一份,因為地動來死的人有七千名;其餘的攏驚惶,來歸榮光互天裡的上帝。
14
第二個災禍已經過去,第三個災禍緊緊到。
15
第七個天使歕號頭,就佇天裡有諸個大的聲講:世間的國成做咱的主及伊的基督的國;伊欲做王到代代無盡。
16
佇上帝的面前,坐佇座位的二十四個長老,面仆落來拜上帝,
17
講:主上帝啊,是全能者──現在佇、早佇者,阮感謝你!因為你已經掌你的大權來做王。
18
外邦發出受氣,你的受氣亦臨到;死的人受審判,閣你的奴僕諸個先知及諸個聖者,及敬畏你的名者,無論大細,你用報賞互。閣敗壞地的,你亦敗壞,彼個時到啦。
19
上帝的殿佇天裡的就開,佇伊的殿內伊的約櫃看現現。就有閃爁、及聲、及雷鳴、地動、以及大雹。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!