啟示錄 第 16 章 - 台語漢字羅馬本

1

我聽見有大聲對殿裡出，給七個天使講：「恁去，將許個貯上帝大受氣的七個碗傾佇地裡。」

2

頭一個就去，將伊的碗傾佇地裡，就有惡毒的瘡生佇許個有獸的記號者，及拜伊的相者。

3

第二個將伊的碗傾佇海裡，海就變做親像死人的血，海中的活物一盡死。

4

第三個將伊的碗傾佇江河及諸個水泉，水就變做血。

5

我聽見掌諸個水的天使講：現在佇、早佇、聖者啊，你是公義因為你按呢審判；

6

因為曾流聖徒及先知的血，今你用血互飲；是所應該的。

7

我閣聽見祭壇講：主上帝──全能者啊，是啊，你的審判是真實閣公義！

8

第四個將伊的碗傾佇日頭，就互日頭會用火人。

9

人受大的炎熱所，就謗瀆彼個有權掌理諸個災禍的上帝的名，閣無反悔來歸榮光伊。

10

第五個將伊的碗傾佇獸的座位，獸的國隨時黑暗。人因為艱苦就咬的舌；

11

閣因為的艱苦，及的瘡毒，就謗瀆天裡的上帝，也無反悔的所行。

12

第六個將伊的碗傾佇伯拉大河，伊的水連鞭乾去，欲為著東方的列王來備辦路。

13

我閣看見有三個污穢的神，親像田蛤仔對龍的嘴、及獸的嘴、及假先知的嘴出來。

14

就是諸個鬼的神，會行神蹟的，出來就近普天下的王，招集佇全能上帝的大日期的交戰。（

15

你看，我來親像賊。警醒來顧守伊的衫、免得褪裼來行、互人看見伊的見誚的就有福氣！）

16

彼三個就招集列王佇一個所在，希伯來的音叫做亞瑪玉頓。

17

第七個將伊的碗傾佇空氣，就有大聲對殿內對座位出，講：「成啦！」

18

就有閃爁、有聲、有雷鳴，地亦大振動，對地上有人到今、未有地動親像按呢的大。

19

大城就裂做三個，列邦諸個城亦倒壞；上帝亦記得大城巴比倫，就將杯貯伊極大受氣的酒互伊。

20

逐個海嶼攏逃走，諸個山攏無去。

21

閣有大雹對天降落佇人，逐粒重幾若十斤。人因為雹的災禍，就謗瀆上帝，因為彼個災禍真大。