啟示錄 第 17 章 - 台語漢字羅馬本

1
許個提七塊碗的七個天使,其中一個來及我講話講:「來,我欲將彼個坐佇多多條水的大淫婦所欲受的審判互你看。
2
地上諸個王曾及伊行淫,徛起地上的人已經對伊淫亂的酒來醉。」
3
我受神的感動,互天使導我去曠野,我就看見有婦仁人騎朱紅色的獸;彼隻獸遍身有謗瀆的名,有七個頭十支角。
4
婦仁人穿紫色及朱紅色的衫,用金、寶石、真珠來妝飾;手裡有金的杯,貯諸個可惡的物,以及伊淫亂的污穢滿滿。
5
有名寫佇伊頭額講:「奧妙!大的巴比倫,就是地上諸個淫婦及諸個可惡的物的老母。」
6
閣看見一個婦仁人飲聖徒的血以及干證耶穌者的血到醉。我看見,就大奇怪。
7
天使給我講:「你啥事奇怪?我欲將婦仁人及伊所騎七個頭殼十支角的獸的奧妙給你講。
8
你所看見的獸,早有,今無,後來欲對深淵起來,就歸佇沈倫。徛起佇地上的人,的名對創造世間的時無記佇活命的冊的,看見彼隻獸,早有,今無,亦欲閣佇,就欲奇怪。
9
有智慧的心在佇此個。七個頭殼是七座山,就是婦仁人所坐佇彼頂面的,
10
閣是七個王;五個已經倒,一個現在佇,一個猶未到;伊若到,就的確暫時佇。
11
彼個早有現在無的獸,就是第八個;也是彼七個在內,也歸佇沈淪。
12
你所看見十支角就是十個王;未曾得著國的,獨獨欲及獸相及得著權,親像王半時久。
13
攏同意思將家己的才能、及權柄互獸。
14
欲及羊羔交戰,羊羔欲卡贏,因為伊是萬主的主、萬王的王。及伊佇的也欲卡贏,因為是受召、受揀、忠信的人。」
15
天使閣給我講:「你所看見攏總的水,淫婦所坐的,就是諸個百姓、諸個眾人、諸個邦國、諸個腔口。
16
閣你所看見的彼十支角及彼隻獸欲怨恨此個淫婦,也欲互伊冷靜褪裼,閣欲食伊的肉,用火一盡燒伊。
17
因為上帝曾互有此號心來成伊的旨意,閣同心將的國互獸,聽候上帝的話應驗。
18
你所看見的婦仁人就是彼個管理地上列王的大城。」

如需更多版本聖經,請到台灣聖經公會聖經網站瀏覽與查詢
台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!