啟示錄 第 20 章 - 台語漢字羅馬本

1
我閣看見天使對天落來,手裡有深淵的鎖匙及大條鐵鍊。
2
就掠彼尾龍,就是老蛇,也是魔鬼及撒但,縛伊一千年久,
3
伊落深淵,關密,用印封佇彼頂面,互伊無通閣迷惑列邦。聽候一千年滿,以後的確暫時解放。
4
我閣看見許個座位,也有坐佇彼頂面的,有得著審判的權互。閣看見許個為著做耶穌的干證,及為著上帝的道來受頭的人的靈魂,以及呣曾拜獸及獸的相,也無受伊的記號佇頭額抑是佇手裡的,諸個攏得著活,來及基督做王一千年。
5
(其餘的死人無活,聽候彼個一千年滿。)這是頭一擺的復活。
6
有份佇此個頭一擺的復活的有福氣啊,是聖啊!第二擺的死管著。欲做上帝及基督的祭司,也欲及伊做王一千年。
7
彼個一千年滿,撒但欲受解放出伊的監,
8
就出來迷惑地上四方的列邦,就是各及瑪各,聚集來交戰。的數額親像海沙。
9
就起來遍滿全地,續圍困聖徒的營及得著疼的城,就有火對天降落,來滅。
10
迷惑的魔鬼受落火及硫磺的湖,佇遐也有獸及假的先知。欲暝日受苦楚,代代無盡。
11
我閣看見一個白色大的座位及坐彼頂面的;地及天對伊的面前逃走,無閣有的位處。
12
我也看見死人大及細攏徛佇座位前。諸個冊就掀開,閣有別本冊掀開,就是活命冊。死人就照的所行,憑諸個冊所記載來受審判。
13
海就交出伊中間的死人;死及陰府也交中間的死人;逐人就照的所行受審判。
14
死及陰府也落火湖;此個就是第二擺的死就是火湖。
15
若有人無記名佇活命冊的,也落火湖。

如需更多版本聖經,請到台灣聖經公會聖經網站瀏覽與查詢
台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!