羅馬書 第 1 章 - 台語漢字羅馬本

1
耶穌基督的奴僕保羅,受召做使徒,分別伊來傳上帝的福音,
2
就是上帝從前託伊諸個先知佇聖經所應允的,
3
論伊的子,照肉體是對大衛的後裔生的;
4
照聖德的神就對死人的復活,用權能顯明伊是上帝的子,就是咱的主耶穌基督。
5
阮對伊受恩及使徒的職,欲為著伊的名互人佇萬邦中信來順趁;
6
從中也有恁諸個受召屬耶穌基督的。
7
批寄互見若住佇羅馬、上帝所疼、受召做聖徒的。願恁對咱的父上帝及主耶穌基督得著恩典平安。
8
頭一項,因為恁的信報揚佇通世間,所以我對耶穌基督為著恁眾人感謝我的上帝。
9
因為我佇伊的子的福音,用我的神所服事的上帝做我的干證,我怎樣數念恁無息;
10
祈禱的中間常常求,看此霎有通照上帝的旨意得著平坦的路就近恁。
11
因為我欣慕見著恁,通將神靈的恩賜分互恁,互恁堅固;
12
就是我佇恁中間,恁對我的信,我對恁的信,大家得著安慰。
13
兄弟啊,我呣愛恁呣知我多多擺立志欲就近恁,愛佇恁中間得著果子親像佇其餘的外邦;總是到今猶有阻擋。
14
無論希利尼人、抑是番人、聰明的、抑是愚戇的,我攏欠的債,
15
所以在佇我攏便便,欲用福音續傳互恁住佇羅馬的人。
16
因為我無掠福音做見誚,因為是上帝的權能欲救攏總信的人,代先猶太,後來希利尼。
17
因為佇福音的內面有顯明上帝的義;對信到佇信。照聖經所記載講:「義的人欲對信來活。」
18
因為上帝的受氣對天顯明到佇人攏總的不虔不義,就是用不義壓制真理的人的。
19
因為論到上帝,人所通識伊的,有顯明佇的心內,因為上帝曾顯明指示。
20
因為對創造世間以來,上帝永遠的權能及聖質,凡所看見伊的,對受創造的物想了就明明看見,互無路通推託。
21
因為既然識上帝,若是無榮光伊做上帝,亦無感謝伊。就是的思想變做空空,的曉悟的心變做黑暗。
22
家己稱做智識,反轉做戇,
23
將敗壞的上帝的榮光,來換會敗壞的人及禽獸、蟲諸個像的款式。
24
所以照心內的私慾,上帝交付佇無清氣,互的身軀相凌辱。
25
用上帝的真換做假,敬拜服事受造的物,卡過頭佇造物的主,伊是堪得謳咾到代代的。阿們!
26
因為按呢,上帝交付佇見誚的情;的婦仁人用順性的路用變做逆性的路用;
27
查甫人也按呢,放拺婦仁人順性的路用,相意愛,慾火動心,查甫及查甫行無正經的事,佇本身受的差謬所應該抵著的報應。
28
既然呣肯存上帝佇的心思,上帝交付佇不中用的心,行呣合宜的事;
29
充滿攏總的不義、歹代、貪心、惡毒;滿滿怨妒行兇、相爭、奸詐、臭心行;
30
做講尻脊後話的、誹謗的、怨恨上帝的、侮慢的、驕傲的、品嗙的、造作歹代的、忤逆父母的、
31
無明理的、無守約的、無親人情的、無憐憫的。
32
既然知上帝的擬斷行諸個代誌的人應該死,就呣若家己行,閣別人行,也及歡喜。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!