撒迦利亞 第 5 章 - 台語漢字羅馬本

1
我閣抬目,看見有一幅軸飛。
2
伊給我講:「你看見甚麼?」我應講:「我看見一幅軸飛,伊的長二十肘,闊十肘。」
3
伊就對我講:「此個是出去到全地上的咒詛。見若偷提的欲照此幅的此旁除滅伊;見若咒誓的欲照此幅的彼旁除滅伊。
4
萬軍的耶和華講:我欲互伊出去,伊欲入偷提的人的厝,也入指我的名濫糝咒誓的人的厝,欲住佇伊的厝內毀滅伊,以及伊的柴伊的石。」
5
及我講話的使者出來,對我講:「你著抬目看,此個出來的是甚麼?」
6
我講:「這是甚麼啊?」伊講:「此個是出去的伊法。」伊閣講:「佇全地的內面,的形狀是按呢。」
7
(看啊,有一片圓的鉛受舉起。)閣有婦仁人坐佇伊法的內面。
8
伊講:「此個是罪惡。」就將伊佇伊法的內面,也將彼片的鉛蓋佇伊法的嘴。
9
我閣抬目看,看啊,有二個婦仁人出來,佇的翅有風,的翅親像鶴的翅。將伊法扛起來佇天及地的中間。
10
我對及我講話的使者講:「扛伊法去叨落?」
11
伊給我講:「欲給伊起厝佇示拿地;厝若便,就將伊安置佇家己的所在。」

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!