撒迦利亞 第 7 章 - 台語漢字羅馬本

1
大利烏王四年九月,就是基斯流月初四,耶和華的話臨到撒迦利亞。
2
彼時伯特利人已經差沙利色及利堅米勒,及隨的人去求恩佇耶和華,
3
也問萬軍的耶和華殿內的祭司以及先知講:「我歷年以來,佇五月間啼哭家己分別,今猶久著按呢行嗎?」
4
萬軍的耶和華的話臨到我講:
5
「你著給此所在的眾百姓及祭司,講:『恁七十年久,佇五月、七月禁食悲哀豈是為著我,為著我禁食嗎?
6
恁或是食或是飲,豈呣是恁食,恁飲嗎?
7
當耶路撒冷及四圍的城有徛起的百姓閣豐盛,南方及平洋有人徛起的時,耶和華託仗前的先知所宣傳的話,恁豈呣著聽嗎?』」
8
耶和華的話閣臨到撒迦利亞講:
9
「萬軍的耶和華曾按呢講:『著照真實的公平來審判,大家用慈愛憐憫來相款待。
10
呣通欺負寡婦、孤兒、出外人、及喪鄉人。呣通心內計謀歹代來相陷害。』」
11
總是呣肯聽趁,越轉肩頭悖逆,塞密的耳孔致到聽,
12
閣互的心硬親像鑽石,免得聽律法及萬軍的耶和華用伊的神託前的先知所講的話。所以,萬軍的耶和華大大發受氣。
13
因為伊曾叫:「呣聽,按呢欲叫,我也呣聽!這是萬軍的耶和華講的。
14
若是我欲用捲螺風吹散到所呣識的列國。按呢,此個地佇去的了後變做拋荒,致到無人往來經過,因為互通歡喜的地拋荒啦。」

如需更多版本聖經,請到台灣聖經公會聖經網站瀏覽與查詢
台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!