歷代志上 第 11 章

1

(THR) Í-sek-lia̍t chèng-lâng chiū chū-chı̍p kàu Hi-pek-lûn kìⁿ Tāi-pı̍t kóng, Khòaⁿ ah, góan sī lí ê kut-jio̍k.

(BCL) 以色列眾人就聚集到希伯崙見大衛，講：「看啊，阮是你的骨肉。

2

(THR) Chiông-chêng Sò-lô chòe ông ê sî, chhōa Í-sek-lia̍t lâng chhut-jı̍p--ê, iā sī lí; koh Iâ-hô-hoa lí ê Siōng-tè bat tùi lí kóng, Lí beh chiàu-kò͘ Góa ê peh-sìⁿ Í-sek-lia̍t, iā beh chòe Góa ê peh-sìⁿ Í-sek-lia̍t ê jîn-kun.

(BCL) 從前掃羅做王的時，導以色列人出入的也是你；閣耶和華──你的上帝曾對你講：『你欲照顧我的百姓以色列，也欲做我的百姓以色列的人君。』」

3

(THR) Tùi án-ni Í-sek-lia̍t chèng tiúⁿ-ló kàu Hi-pek-lûn kìⁿ ông; Tāi-pı̍t chiū tī Hi-pek-lûn, tī Iâ-hô-hoa ê bīn-chêng, kap in lı̍p-iok; in chiū ēng iû boah Tāi-pı̍t chòe Í-sek-lia̍t ông, chiàu Iâ-hô-hoa thok-tiōng Sat-bó͘-jíⁿ só͘ kóng--ê.

(BCL) 對按呢以色列眾長老到希伯崙見王。大衛就佇希伯崙佇耶和華的面前及立約，就用油抹大衛做以色列王，照耶和華託仗撒母耳所講的。

4

(THR) Tāi-pı̍t kap Í-sek-lia̍t lâng khì kàu Iâ-lō͘-sat-léng, chiū-sī Iâ-pò͘-su. Hit-sî pún-tōe ê Iâ-pò͘-su lâng khiā-khí tī-hia.

(BCL) 大衛及以色列人去到耶路撒冷，就是耶布斯；彼時本地的耶布斯人徛起佇遐。

5

(THR) Khiā-khí tī Iâ-pò͘-su ê lâng kā Tāi-pı̍t kóng, Lí bōe-ōe jı̍p chia. Chóng-sī Tāi-pı̍t kong-chhú Sek-an ê ōe-só͘, chòe Tāi-pı̍t ê siâⁿ.

(BCL) 徛起佇耶布斯的人給大衛講：「你會入遮。」總是大衛攻取錫安的衛所，做大衛的城。

6

(THR) Tāi-pı̍t kóng, Chòe-thâu kong-kek Iâ-pò͘-su lâng--ê, beh chòe siú-léng, chòe gôan-sòe; Sé-ló͘-ngá ê kiáⁿ Iok-ap tāi-seng chiūⁿ-khì, chiū chòe siú-léng.

(BCL) 大衛講：「做頭攻擊耶布斯人者，欲做首領做元帥。」洗魯雅的子約押代先上去，就做首領。

7

(THR) Tāi-pı̍t khiā-khí tī ōe-só͘, só͘-í in kiò i chòe Tāi-pı̍t ê siâⁿ.

(BCL) 大衛徛起佇衛所，所以叫伊做大衛的城。

8

(THR) I khí siâⁿ ê sì-ûi, chiū-sī tùi Bí-lô khí kàu i ê sì-ûi; kî-û--ê, Iok-ap siu-lí--i.

(BCL) 伊起城的四圍，就是對米羅起到伊的四圍，其餘的約押修理伊。

9

(THR) Tāi-pı̍t tı̍t-tı̍t khah kiông-tōa, in-ūi bān-kun ê Iâ-hô-hoa kap i tī-teh.

(BCL) 大衛直直卡強大，因為萬軍的耶和華及伊佇。

10

(THR) Ē-tóe só͘ kì sī Tāi-pı̍t ióng-sū ê thâu-lâng; in kap Í-sek-lia̍t chèng-lâng hùn-ióng, pang-chān i tit-tio̍h kok, siat-lı̍p i chòe-ông, chiàu Iâ-hô-hoa só͘ lūn Í-sek-lia̍t ê ōe.

(BCL) 下底所記是大衛勇士的頭人，及以色列眾人奮勇幫助伊得著國，設立伊做王、照耶和華所論以色列的話。

11

(THR) Tāi-pı̍t ióng-sū ê siàu-gia̍h kì tī ē-tóe; Hap-kek-mô͘-nî lâng Ngá-sok-pan, i sī chiah ê chiòng ê siú-léng, i bat chòe chı̍t-sî kia̍h-chhiuⁿ thâi-sí saⁿ-pah lâng.

(BCL) 大衛勇士的數額記佇下底：哈革摩尼人雅朔班，伊是諸個將的首領，伊曾做一時抬槍死三百人。

12

(THR) Tē-jī sī A-ha̍p lâng, To-to ê kiáⁿ Í-lī-a-sat; i sī saⁿ ê ióng-sū ê chı̍t-ê.

(BCL) 第二是亞合人朵多的子以利亞撒，伊是三個勇士的一個。

13

(THR) I bat kap Tāi-pı̍t tī Pa-su-ta̍t-bín, Hui-lī-sū lâng chū-chı̍p tī-hia beh kau-chiàn, tī-hia ū chı̍t khu hn̂g tōa-be̍h móa-móa; chèng peh-sìⁿ chiū tī Hui-lī-sū lâng ê bīn-chêng tô-cháu.

(BCL) 伊曾及大衛佇巴斯達閔、非利士人聚集佇遐欲交戰。佇遐有一區園大麥滿滿，眾百姓就佇非利士人的面前逃走；

14

(THR) In khiā tī hit khu hn̂g-tiong lâi pó-hō͘--i. sòa phah-sí Hui-lī-sū lâng; Iâ-hô-hoa chín-kiù in, hō͘ in khah-iâⁿ.

(BCL) 徛佇彼區園中來保護伊，續拍死非利士人。耶和華拯救互大卡贏。

15

(THR) Saⁿ-cha̍p ê thâu-lâng tiong ū saⁿ-lâng lo̍h-khì chio̍h-pôaⁿ hia, jı̍p A-thó͘-lân ê tōng kìⁿ Tāi-pı̍t; Hui-lī-sū ê kun-tūi chat-iâⁿ tī Lī-ho̍at-im ê soaⁿ-kok.

(BCL) 三十個頭人中有二人落去石磐遐，入亞杜蘭的洞見大衛；非利士的軍隊紮營佇利乏音的山谷。

16

(THR) Hit-sî Tāi-pı̍t tī ōe-só͘, Hui-lī-sū lâng ê peng-iâⁿ tī Pek-lī-hêng.

(BCL) 彼時大衛佇衛所，非利士人的兵營佇伯利恆。

17

(THR) Tāi-pı̍t him-sōan kóng, Sím-mı̍h lâng ōe chiong Pek-lī-hêng siâⁿ-mn̂g-piⁿ ê chíⁿ-chúi, chhiūⁿ lâi hō͘ góa lim?

(BCL) 大衛欣羨，講：「甚麼人會將伯利恆城門邊的井水汲來互我飲！」

18

(THR) Chí(**Chit) saⁿ-lâng chiū tùi Hui-lī-sū ê kun-iâⁿ chhiong--kè-khì, tùi Pek-lī-hêng siâⁿ-mn̂g-piⁿ ê chíⁿ chhiūⁿ-chúi, tòa lâi hō͘ Tāi-pı̍t; i m̄ lim, piàⁿ tī Iâ-hô-hoa bīn-chêng, kóng,

(BCL) 此三人就對非利士的軍營衝過去，對伯利恆城門邊的井汲水，帶來互大衛。伊呣飲，傾佇耶和華面前，

19

(THR) Góa ê Siōng-tè ah, góa koat-tòan m̄-thang chòe án-ni; chiah ê lâng bô kò͘ sìⁿ-miā, góa kiám káⁿ lim in ê huih mah? In-ūi in bô kò͘ sìⁿ-miā khì chhiūⁿ--lâi. Só͘-í i m̄ lim--i. Chiah ê sū sī chí saⁿ ê ióng-sū chòe--ê.

(BCL) 講：「我的上帝啊，我決斷呣通做按呢，諸個人無顧生命，我豈敢飲的血嗎，因為無顧生命去汲來，所以伊呣飲伊！」諸個事是此三個勇士做的。

20

(THR) Iok-ap ê hiaⁿ-tī A-pí-su sī hit saⁿ ê ióng-sū tiong ê thâu; in-ūi i kia̍h-chhiuⁿ kong-kek saⁿ-pah lâng lâi thâi-sí, chiū tī chí(**chit) saⁿ-lâng tiong tit-tio̍h miâ.

(BCL) 約押的兄弟亞比篩是彼三個勇士中的頭；因為伊抬槍攻擊三百人來死，就佇此三人中得著名。

21

(THR) Saⁿ-lâng tiong i pí hit nn̄g-ê khah chhut-tioh, chiū chòe in ê thâu; chóng-sī bōe pí-tit khí-thâu ê saⁿ-lâng.

(BCL) 三人中伊比彼二個卡出擢，就做的頭；總是比得起頭的三人。

22

(THR) Ū Kah-siat lâng Iâ-hô-iâ-tāi ê kiáⁿ, Pí-ná-ngá, bat chòe-chhut chōe-chōe tōa-sū--ê, thâi-sí Mô͘-ap lâng A-lī-i-le̍k ê nn̄g ê kiáⁿ; koh tī lo̍h-seh ê sî, lo̍h khiⁿ-lāi thâi-sí chı̍t chiah sai.

(BCL) 有甲設人耶何耶大的子比拿雅曾做出多多大事的：死摩押人亞利伊勒的二個子，閣佇落雪的時落坑內死一隻獅，

23

(THR) Koh thâi-sí chı̍t ê Ai-kı̍p ê tōa-hàn lâng, ū gō͘ tiú ê kôaiⁿ; Ai-kı̍p lâng chhiú--nih ū chhiuⁿ, tōa chhin-chhiūⁿ pò͘-kui(**ki) ê niû; Pí-ná-ngá kia̍h-kóaiⁿ lo̍h-khì chih--i, chhiúⁿ Ai-kı̍p lâng chhiú-lāi ê chhiuⁿ, chiah ēng i ê chhiuⁿ thâi-sí i.

(BCL) 閣死一個埃及的大漢人，有五肘的高，埃及人手裡有槍，大親像布機的樑；比拿雅抬枴落去接伊，搶埃及人手內的槍，才用伊的槍死伊。

24

(THR) Chiah-ê sī Iâ-hô-iâ-tāi ê kiáⁿ Pí-ná-ngá só͘ kiâⁿ ê sū, chiū tī saⁿ ê ióng-sū tiong tit-tio̍h miâ.

(BCL) 諸個是耶何耶大的子比拿雅所行的事，就佇三個勇士中得著名。

25

(THR) I pí saⁿ-cha̍p ê ióng-sū khah chhut-tioh; chóng-sī bōe pí-tit chêng saⁿ ê ióng-sū; Tāi-pı̍t siat-lı̍p i chòe sī-ōe-tiúⁿ.

(BCL) 伊比三十個勇士卡出擢，總是比得前三個勇士。大衛設立伊做侍衛長。

26

(THR) Kun-tūi tiong ê ióng-sū, ū Iok-ap ê hiaⁿ-tī A-sat-hek, Pek-lī-hêng lâng, To-to ê kiáⁿ I-le̍k-hap-lân;

(BCL) 軍隊中的勇士有約押的兄弟亞撒黑、伯利恆人朵多的子伊勒哈難，

27

(THR) Hap-lu̍t lâng Sa-má, Pí-lûn lâng Hi-lī-su;

(BCL) 哈律人沙瑪、比倫人希利斯，

28

(THR) Thê-ko-a lâng Ek-kiat ê kiáⁿ Í-la̍h, A-ná-tu̍t lâng A-pí-í-siā;

(BCL) 提哥亞人益吉的子以拉，亞拿突人亞比以謝，

29

(THR) Hō͘-sa lâng Se-pí-kai, A-ha̍p lâng Í-lâi;

(BCL) 戶沙人西比該，亞合人以來，

30

(THR) Nî-to-hoat lâng Má-khap-lâi, Nî-to-hoat lâng Pa-ná ê kiáⁿ Hi-lı̍p;

(BCL) 尼陀法人瑪哈萊、尼陀法人巴拿的子希立，

31

(THR) Piān-ngá-bín cho̍k, Ki-pí-a lâng Lī-pài ê kiáⁿ Í-thài, Pí-la̍h-tùn lâng Pí-ná-ngá;

(BCL) 便雅憫族基比亞人利拜的子以太，比拉頓人比拿雅，

32

(THR) sio̍k Ka-sı̍t chiah ê khoe ê lâng Hō͘-lâi, A-la̍h-pa lâng A-pí;

(BCL) 屬迦實諸個溪的人戶萊，亞拉巴人亞比，

33

(THR) Pa-lō͘-bí lâng A-su-má-hut, Sa-pún lâng I-lī-ngá-hap-pa;

(BCL) 巴路米人押斯瑪弗，沙本人以利雅哈巴，

34

(THR) Ki-sun lâng Hap-chhim ê chèng-kiáⁿ, Hap-la̍h lâng Sa-ki ê kiáⁿ Iok-ná-tan;

(BCL) 基孫人哈深的眾子，哈拉人沙基的子約拿單，

35

(THR) Hap-la̍h lâng Sa-kah ê kiáⁿ A-hi-àm, Ngô͘-jíⁿ ê kiáⁿ Í-lī-hoat-le̍k;

(BCL) 哈拉人沙甲的子亞希暗，吾珥的子以利法勒，

36

(THR) Bí-ki-la̍h lâng Hi-hut, Pí-lûn lâng A-hi-ngá;

(BCL) 米基拉人希弗，比倫人亞希雅，

37

(THR) Ka-bı̍t lâng Hi-su-lô, I-su-pài ê kiáⁿ Ná-lâi;

(BCL) 迦密人希斯羅，伊斯拜的子拿萊，

38

(THR) Ná-tan ê hiaⁿ-tī Iok-jíⁿ, Hap-ki-lī ê kiáⁿ Bî-pek-hap;

(BCL) 拿單的兄弟約珥，哈基利的子彌伯哈，

39

(THR) A-bûn lâng Sé-le̍k, Pí-lio̍k lâng Ná-hap-lâi, Ná-hap-lâi sī kā Sé-ló͘-ngá ê kiáⁿ Iok-ap kia̍h chiàn-khì--ê;

(BCL) 亞捫人洗勒，比錄人拿哈萊（拿哈萊是給洗魯雅的子約押抬戰器者），

40

(THR) Í-thiap lâng Í-la̍h, Í-thiap lâng Ka-lı̍p;

(BCL) 以帖人以拉，以帖人迦立，

41

(THR) Hek-lâng Ou-lī-à, A-lâi ê kiáⁿ Sat-po̍at;

(BCL) 赫人烏利亞，亞萊的子撒拔，

42

(THR) Liû-piān lâng Sī-sat ê kiáⁿ, A-tē-ná, i sī Liû-piān chi-phài tiong chı̍t-ê cho̍k-tiúⁿ, chhōa saⁿ-cha̍p lâng;

(BCL) 流便人示撒的子亞第拿（伊是流便支派中一個族長，導三十人），

43

(THR) Má-ka ê kiáⁿ Hap-lân, Bî-te̍k-nî lâng Iok-sa-hoat;

(BCL) 瑪迦的子哈難，彌特尼人約沙法，

44

(THR) A-si-tha-la̍h lâng Ou-se-a, A-lô-jíⁿ lâng, Hô-thán ê kiáⁿ Sa-má, Iâ-lī;

(BCL) 亞施他拉人烏西亞，亞羅珥人何坦的子沙瑪、耶利，

45

(THR) Thê-sé lâng Sin-lī ê kiáⁿ Iâ-tia̍p, kap i ê hiaⁿ-tī Iok-hap;

(BCL) 提洗人申利的子耶疊及伊的兄弟約哈，

46

(THR) Má-hap-bī lâng Í-lī-gia̍p, I-lī-ná-an ê kiáⁿ Iâ-lī-pài, Iok-sa-bī-ngá, Mô͘-ap lâng I-te̍k-má;

(BCL) 瑪哈未人以利業，伊利拿安的子耶利拜、約沙未雅，摩押人伊特瑪、

47

(THR) Í-lī-gia̍p, Gô-pī-tek, kap Bí-só-pat lâng Ngá-se-gia̍p.

(BCL) 以利業、俄備得，及米瑣八人雅西業。

Bible Color Mark

• 台語漢字羅馬本
• 巴克禮全羅