歷代志上 第 12 章

1

(THR) Tāi-pı̍t in-ūi kiaⁿ Ki-sū ê kiáⁿ Sò-lô, siú-teh m̄-káⁿ chhut-khì ê sî, ū chiah ê ióng-sū lâi kàu Sé-kek-la̍h chhē--i, pang-chān i kau-chiàn.

(BCL) 大衛因為驚基士的子掃羅，守呣敢出去的時，有諸個勇士來到洗革拉尋伊，幫助伊交戰。

2

(THR) In gâu khui-keng, ōe ēng tò-chhiú chiàⁿ-chhiú hiat chio̍h-thâu siā-chìⁿ; lóng sī Piān-ngá-bín lâng Sò-lô ê tâng-cho̍k.

(BCL) 開弓，會用倒手正手石頭射箭，攏是便雅憫人掃羅的同族。

3

(THR) Thâu-chı̍t-ê sī A-hi-í-siā, koh ū Iok-a-si, lóng sī Ki-pí-a lâng Sī-má ê kiáⁿ; koh ū Iâ-siat kap Pí-le̍k, sī A-su-má-ui ê kiáⁿ; koh ū Pí-la̍h-ka kap A-ná-tu̍t lâng Iâ-hō͘;

(BCL) 頭一個是亞希以謝，閣有約阿施，攏是基比亞人示瑪的子。閣有耶設及毗力是亞斯瑪威的子，閣有比拉迦，及亞拿突人耶戶，

4

(THR) Ki-piàn lâng Í-sı̍t-mái-ngá, tī saⁿ-cha̍p lâng tiong sī ióng-sū, iā teh kóan hit saⁿ-cha̍p lâng. Koh ū Iâ-lī-bí, Ngá-hap-sek, Iok-hap-lân, kap Ki-tek-la̍h lâng Iok-sat-po̍at;

(BCL) 基遍人以實買雅（佇三十人中是勇士，也管彼三十人），閣有耶利米、雅哈悉、約哈難，及基得拉人約撒拔，

5

(THR) I-lī-o͘-sài, Iâ-lī-mô͘, Pí-a-lī-ngá, Sī-má-lī-ngá, Hap-lu̍t-hut lâng Sī-hoat-thê-ngá;

(BCL) 伊利烏賽、耶利摩、比亞利雅、示瑪利雅、哈律弗人示法提雅，

6

(THR) Khó-la̍h lâng Í-lī-ka-ná, Iâ-se-a, A-sat-lia̍t, Iok-í-siā, Ngá-sok-pan;

(BCL) 可拉人以利加拿、耶西亞、亞薩列、約以謝、雅朔班，

7

(THR) Ki-to lâng Iâ-lô-hán ê kiáⁿ Iû-la̍h, kap Se-pa-tē-ngá.

(BCL) 基多人耶羅罕的子猶拉及西巴第雅。

8

(THR) Ka-tek chi-phài ū kúi-nā lâng kàu khòng-iá ê ōe-só͘, kui-óa Tāi-pı̍t; in lóng sī ióng-sū chiàn-sū, ōe chhut-tīn, giâ pîn-pâi, kia̍h chhiuⁿ, in ê bīn chhin-chhiūⁿ sai ê bīn, gâu cháu chhin-chhiūⁿ soaⁿ--nih ê lo̍k.

(BCL) 迦得支派有幾若人到曠野的衛所歸倚大衛，攏是勇士戰士，會出陣夯屏牌抬槍。的面親像獅的面，走親像山裡的鹿。

9

(THR) Thâu-chı̍t-ê Í-siat, tē-jī Gô-pa-tí-ná, tē-saⁿ Í-lī-ap;

(BCL) 頭一個以設，第二俄巴底雅，第三以利押，

10

(THR) tē-sì Bî-si-má-ná, tē-gō͘ Iâ-lī-bí;

(BCL) 第四彌施瑪拿，第五耶利米，

11

(THR) tē-la̍k A-thài, tē-chhit Í-lī-gia̍p;

(BCL) 第六亞太，第七以利業，

12

(THR) tē-poeh Iok-hap-lân, tē-káu Í-lī-sat-pa;

(BCL) 第八約哈難，第九以利薩巴，

13

(THR) tē-cha̍p Iâ-lī-bí, tē-cha̍p-it bo̍at-pa-nāi.

(BCL) 第十耶利米，第十一末巴奈。

14

(THR) Chiah-ê lóng sī Ka-tek lâng, iā lóng sī kun-tiúⁿ; siōng-bōe--ê ōe tí-tng chı̍t-pah lâng, siōng-ōe--ê ōe tí-tng chı̍t-chheng lâng.

(BCL) 諸個攏是迦得人也攏是軍長，上的會抵當一百人，上會者會抵當一千人。

15

(THR) Chiaⁿ-ge̍h Iok-tàn hô-chúi tiòng-móa siang-pêng hōaⁿ ê sî, in kè-hô, hō͘ it-chhè tiàm tī soaⁿ-kok ê lâng cháu-tang cháu-sai.

(BCL) 正月，約但河水漲滿雙旁岸的時，過河，互一切踮佇山谷的人走東走西。

16

(THR) Koh ū Piān-ngá-bín Iû-tāi lâng lâi kàu ōe-só͘, chhē Tāi-pı̍t.

(BCL) 閣有便雅憫猶大人來到衛所尋大衛。

17

(THR) Tāi-pı̍t chhut-khì ngiâ-chih in; tùi in kóng, Lín nā sī ūi-tio̍h pêng-an lâi pang-chān góa, góa kap lín ê sim chiū saⁿ-khè-ha̍p; chóng-sī lín nā beh chiong góa bô-chōe ê lâng, bōe tī tùi-te̍k ê chhiú, gōan lán lia̍t-chó͘ ê Siōng-tè kàm-chhat chek-ho̍at.

(BCL) 大衛出去迎接，對講：「恁若是為著平安來幫助我，我及恁的心就相契合；總是恁若欲將我無罪的人賣佇對敵的手，願咱列祖的上帝鑑察責罰。」

18

(THR) Hit-sî Siōng-tè ê Sîn lîm-kàu chiah ê chiòng ê thâu-lâng A-má-sat, i chiū kóng, Tāi-pı̍t ah, góan sī kui tī lí--ê, Iâ-se ê kiáⁿ ah, góan sī pang-chān lí--ê; gōan lí pêng-pêng an-an, gōan pang-chān lí--ê, iā tit-tio̍h pêng-an; in-ūi lí ê Siōng-tè pang-chān lí. Tāi-pı̍t chiū siu-liû in, siat-lı̍p in chòe kun-tiúⁿ.

(BCL) 彼時上帝的神臨到諸個將的頭人亞瑪撒，伊就講：大衛啊，阮是歸佇你者！耶西的子啊，阮是幫助你者！願你平平安安，願幫助你者也得著平安！因為你的上帝幫助你。大衛就收留，設立做軍長。

19

(THR) Tāi-pı̍t chiông-chêng kap Hui-lī-sū chhut-tīn beh kong-kek Sò-lô ê sî, ū Má-ná-se chi-phài kúi-nā lâng lâi kui-óa--i, chóng-sī kàu-bé in bô pang-chān in, in-ūi Hui-lī-sū ê thâu-lâng ū gī-lūn tio̍h hō͘ i tò--khì, kóng, I tek-khak kui i ê chú-lâng Sò-lô, tì-kàu lán ê thâu-khak gûi-hiám.

(BCL) 大衛從前及非利士出陣，欲攻擊掃羅的時，有瑪拿西支派幾若人來歸倚伊，總是到尾無幫助；因為非利士的頭人有議論，著互伊倒去，講：「伊的確歸伊的主人掃羅，致到咱的頭殼危險。」

20

(THR) Hit-sî Tāi-pı̍t khì Sé-kek-la̍h, ū Má-ná-se lâng ê chhian-chóng, Ap-ná, Iok-sat-po̍at, Iâ-tia̍p, Bí-ka-le̍k, Iok-sat-po̍at, Í-lī-hō͘, Sé-le̍k-thài, lóng lâi kui-óa i.

(BCL) 彼時大衛去洗革拉，有瑪拿西人的千總押拿、約撒拔、耶疊、米迦勒、約撒拔、以利戶、洗勒太攏來歸倚伊。

21

(THR) Chiah ê lâng pang-chān Tāi-pı̍t kong-kek thó͘-húi, in lóng sī tōa khùi-la̍t ê ióng-sū, koh chòe kun-tiúⁿ.

(BCL) 諸個人幫助大衛攻擊土匪；攏是大氣力的勇士，閣做軍長。

22

(THR) Hit-sî jı̍t-jı̍t ū lâng kui-óa Tāi-pı̍t, beh pang-chān i, chiū chiâⁿ-chòe tōa kun-tūi, chhin-chhiūⁿ Siōng-tè ê kun-tūi chı̍t-iūⁿ.

(BCL) 彼時日日有人歸倚大衛，欲幫助伊，就成做大軍隊，親像上帝的軍隊一樣。

23

(THR) Pī-pān kau-chiàn ê kun-tūi kàu Hi-pek-lûn kìⁿ Tāi-pı̍t, beh chiàu Iâ-hô-hoa ê ōe î-sóa Sò-lô ê kok-ūi hō͘ Tāi-pı̍t, in ê siàu-gia̍h kì tī ē-bīn.

(BCL) 備辦交戰的軍隊到希伯崙見大衛，欲照耶和華的話移徙掃羅的國位互大衛。的數額記佇下面：

24

(THR) Iû-tāi chi-phài, giâ pîn-pâi kia̍h chhiuⁿ pī-pān kau-chiàn ê, ū la̍k-chheng poeh-pah lâng.

(BCL) 猶大支派，夯屏牌抬槍備辦交戰的有六千八百人。

25

(THR) Se-biān ê chi-phài, ōe chhut-tīn ê ióng-sū, ū chhit-chheng chı̍t-pah lâng.

(BCL) 西緬的支派，會出陣的勇士有七千一百人。

26

(THR) Lī-bī chi-phài sì-chheng la̍k-pah lâng.

(BCL) 利未支派四千六百人。

27

(THR) Iâ-hô-iâ-tāi sī A-lûn ê ke ê siú-léng, tè-i--ê ū saⁿ-chheng chhit-pah lâng.

(BCL) 耶何耶大是亞倫的家的首領，隨伊者有三千七百人。

28

(THR) Koh ū siàu-liân lâng Sat-tok sī tōa ióng-sū, kap i pún-ke ê cho̍k-tiúⁿ jī-cha̍p-jī lâng.

(BCL) 閣有少年人撒督是大勇士，及伊本家的族長二十二人。

29

(THR) Piān-ngá-bín ê chi-phài, chiū-sī Sò-lô ê tâng-cho̍k, saⁿ-chheng lâng; in-ūi kàu hit-sî, chit-cho̍k tōa-pòaⁿ iáu-kú iòng(**ióng)-hō͘ Sò-lô ê ke.

(BCL) 便雅憫的支派，就是掃羅的同族三千人，因為到彼時此族大半猶久擁護掃羅的家。

30

(THR) Í-hoat-liân chi-phài ê tōa ióng-sū, tī pún-cho̍k chhut-miâ--ê, ū nn̄g-bān liân poeh-pah lâng.

(BCL) 以法蓮支派的大勇士，佇本族出名者有二萬連八百人。

31

(THR) Má-ná-se pòaⁿ-chi-phài kì-miâ--ê, kiōng chı̍t-bān poeh-chheng, lóng lâi siat-lı̍p Tāi-pı̍t chòe-ông.

(BCL) 瑪拿西半支派，記名者共一萬八千，攏來設立大衛做王。

32

(THR) Í-sat-ka chi-phài ū tì-sek, bat sî-sè, chai Í-sek-lia̍t só͘ tio̍h kiâⁿ--ê, in ê thâu-lâng ū nn̄g-pah; in ê hiaⁿ-tī lóng thàn in ê bēng-lēng.

(BCL) 以薩迦支派，有智識、識時勢，知以色列所著行者的頭人有二百；的兄弟攏趁的命令。

33

(THR) Se-pò͘-lûn ū ōe-chhut-tīn--ê, lóng gâu kau-chiàn, ōe ēng ta̍k-iūⁿ ê kun-khì--ê, ū gō͘-bān lâng; in ōe pâi tūi-ngó͘, bô nn̄g-iūⁿ sim.

(BCL) 西布倫有會出陣者，攏交戰會用逐樣的軍器者，有五萬人，會排隊伍，無二樣心。

34

(THR) Sio̍k Ná-hut-tha-lī--ê, ū chı̍t-chheng ê kun-tiúⁿ; giâ pîn-pâi kia̍h chhiuⁿ lâi tè in-ê, ū saⁿ-bān chhit-chheng lâng.

(BCL) 屬拿弗他利者，有一千個軍長；夯屏牌、抬槍來隨者有三萬七千人。

35

(THR) Tàn ê chi-phài, ōe pâi-tīn ê, nn̄g-bān poeh-chheng la̍k-pah lâng.

(BCL) 但的支派，會排陣的二萬八千六百人。

36

(THR) Sio̍k A-siat--ê, ōe chhut-kun pâi-tīn--ê, ū sì-bān lâng.

(BCL) 屬亞設的，會出軍排陣的有四萬人。

37

(THR) Iok-tàn-hô ê tang-pêng, Liû-piān lâng, Ka-tek lâng, Má-ná-se pòaⁿ-chi-phài ê lâng, kia̍h ta̍k-iūⁿ ê kun-khì lâi kau-chiàn--ê, ū cha̍p-jī-bān lâng.

(BCL) 約但河的東旁流便人、迦得人、瑪拿西半支派的人，抬逐樣的軍器來交戰的有十二萬人。

38

(THR) Chiah ê chiàn-sū lóng ōe pâi tūi-ngó͘, sêng-sı̍t sim kàu Hi-pek-lûn, beh siat-lı̍p Tāi-pı̍t chòe Í-sek-lia̍t chôan-kok ê ông; Í-sek-lia̍t kî-û ê lâng, iā tâng chı̍t-iūⁿ ê sim, beh siat-lı̍p Tāi-pı̍t chòe-ông.

(BCL) 諸個戰士攏會排隊伍，誠實心到希伯崙，欲設立大衛做以色列全國的王。以色列其餘的人也同一樣的心欲設立大衛做王。

39

(THR) In tiàm hia saⁿ-jı̍t kú, kap Tāi-pı̍t saⁿ-kap tiàm, iā lim iā chia̍h, in-ūi in ê hiaⁿ-tī kā in pī-pān piān-piān.

(BCL) 踮遐三日久，及大衛相及踮也飲也食，因為的兄弟給備辦便便。

40

(THR) Óa-kūn in ê lâng, tı̍t kàu Í-sat-ka, Se-pò͘-lûn, Ná-hut-tha-lī ê lâng, chiong lû, lo̍k-tô, lô, gû, chài mī-hún chia̍h-mı̍h, kap bû-hoa-kó-piáⁿ, phû-tô-koaⁿ, chiú, iû, lâi hia; iā ū tòa gû iûⁿ, lóng chin-chōe; in-ūi tī Í-sek-lia̍t tiong ū tōa hoaⁿ-hí.

(BCL) 倚近的人直到以薩迦、西布倫、拿弗他利的人將驢、駱駝、騾、牛，載麵粉食物，及無花果餅、葡萄干、酒、油來遐，也有帶牛羊攏真多，因為佇以色列中有大歡喜。

Bible Color Mark

• 台語漢字羅馬本
• 巴克禮全羅