以賽亞書 第 38 章

1

(THR) Hiah ê jı̍t ê tiong-kan, Hi-se-ka phòa-pīⁿ teh-beh sí. A-mô͘-su ê kiáⁿ, sian-ti Í-sài-a, khì kìⁿ i, tùi i kóng, Iâ-hô-hoa án-ni kóng, Lí tio̍h siat-hoat lí ê ke-sū, in-ūi lí teh-beh sí, bōe-o̍ah.

(BCL) 許個日的中間希西家破病欲死，亞摩斯的子先知以賽亞去見伊，對伊講：「耶和華按呢講：你著設法你的家事，因為你欲死活。」

2

(THR) Hi-se-ka chiū o̍at-tńg bīn ǹg piah, kî-tó Iâ-hô-hoa, kóng,

(BCL) 希西家就越轉面向壁，祈禱耶和華講：

3

(THR) Iâ-hô-hoa ah, kiû Lí kì-liām góa tī Lí ê bīn-chêng cháiⁿ-iūⁿ chûn ôan-chôan ê sim, chiàu sêng-sı̍t lâi kiâⁿ, koh chòe Lí só͘ khòaⁿ-chòe hó--ê. Hi-se-ka chiū tōa-siaⁿ thî-khàu.

(BCL) 「耶和華啊，求你記念我佇你的面前怎樣存完全的心，照誠實來行，閣做你所看做好的。」希西家就大聲啼哭。

4

(THR) Tùi án-ni Iâ-hô-hoa ê ōe lîm-kàu Í-sài-a kóng,

(BCL) 對按呢耶和華的話臨到以賽亞講：

5

(THR) Lí khì kā Hi-se-ka kóng, Lí ê chó͘ Tāi-pı̍t ê Siōng-tè Iâ-hô-hoa án-ni kóng, Góa í-keng thiaⁿ-kìⁿ lí ê kî-tó, khòaⁿ-kìⁿ lí ê ba̍k-sái; khòaⁿ ah, Góa beh ke-thiⁿ lí ê hè-siū cha̍p-gō͘ nî.

(BCL) 「你去給希西家講，你的祖大衛的上帝──耶和華按呢講：我已經聽見你的祈禱，看見你的目屎。看啊，我欲加添你的歲壽十五年；

6

(THR) Koh Góa beh kiù lí kap chit ê siâⁿ thoat-lī A-su̍t ông ê chhiú; ia̍h beh pó-hō͘ chit ê siâⁿ.

(BCL) 閣我欲救你及此個城脫離亞述王的手，亦欲保護此個城。

7

(THR) Iâ-hô-hoa beh chiâⁿ I só͘ kóng--ê, che sī Iâ-hô-hoa beh hō͘ lí ê tiāu-thâu;

(BCL) 「耶和華欲成伊所講的。這是耶和華欲互你的兆頭，

8

(THR) khòaⁿ ah, A-hap-su ê jı̍t-kui tè-jı̍t chìn-chêng ê iáⁿ, Góa beh hō͘ i thè-āu cha̍p-tō͘. Tùi án-ni chìn-chêng ê jı̍t-iáⁿ, kó-jiân tī jı̍t-kui ê téng-bīn, thè-āu cha̍p-tō͘.

(BCL) 看啊，亞哈斯的日晷，隨日進前的影我欲互伊退後十度。」對按呢，進前的日影，果然佇日晷的頂面退後十度。

9

(THR) Iû-tāi ông Hi-se-ka phòa-pīⁿ í-keng hó, chiū chòe si, kóng:

(BCL) 猶大王希西家破病已經好，就做詩講：

10

(THR) Góa kóng, tú-tú tī góa tiong-liân ê jı̍t, beh jı̍p im-kan ê mn̂g;Bōe-tit-thang hióng-siū góa iáu chhun ê nî.

(BCL) 我講：抵抵佇我中年的日欲入陰間的門；得通享受我猶剩的年。

11

(THR) Góa kóng, Góa bōe kìⁿ--tio̍h Iâ-hô-hoa, chiū-sī tī o̍ah-lâng ê tōe, bōe kìⁿ-tio̍h Iâ-hô-hoa;Góa bōe-tit-thang kap tiàm tōe-chiūⁿ ê peh-sìⁿ saⁿ-kap khòaⁿ lâng ê bīn.

(BCL) 我講：我見著耶和華，就是佇活人的地見著耶和華；我得通及踮地上的百姓相及看人的面。

12

(THR) Góa khiā-khí ê só͘-chāi siū chhian-sóa lī-khui góa, chhin-chhiūⁿ kò͘-iûⁿ ê lâng ê pò͘-pîⁿ chı̍t-iūⁿ;Góa chiong sìⁿ-miā kńg--khí-lâi, chhin-chhiūⁿ chit-pò͘ ê lâng kńg-pò͘ chı̍t-iūⁿ; I beh chiong góa tùi pò͘-kui-thâu chián-tn̄g.Tùi chá-khí kàu ê-hng, Lí beh hō͘ góa kiat-kio̍k.

(BCL) 我徛起的所在受遷徙離開我，親像顧羊的人的布棚一樣；我將生命捲起來，親像織布的人捲布一樣。伊欲將我對布機頭剪斷，對早起到下昏，你欲互我結局。

13

(THR) Góa hō͘ ka-kī an-chēng kàu thiⁿ-kng; I chhin-chhiūⁿ sai at-chı̍h góa it-chhè ê kut-thâu;Tùi chá-khí kàu ê-hng, Lí beh hō͘ góa kiat-kio̍k.

(BCL) 我互家己安靜到天光；伊親像獅遏折我一切的骨頭，對早起到下昏，你欲互我結局。

14

(THR) Góa chhin-chhiūⁿ ìⁿ-á, chhin-chhiūⁿ pe̍h-ho̍h, gí-bú gí-ngiáu; koh chhin-chhiūⁿ ka-chui ai-kiò;Góa in-ūi kia̍h-thâu khòaⁿ, ba̍k-chiu ian-n̄g.Iâ-hô-hoa ah, góa siū ap-chè, kiû Lí kā góa pó-jīn.

(BCL) 我親像燕仔，親像白鶴狋哞狋嘵；閣親像鳩鵻哀叫；我因為抬頭看，目睭煙暈。耶和華啊，我受壓制，求你給我保認。

15

(THR) Góa beh kóng sím-mı̍h ah? I kā góa kóng--ê, ia̍h kā góa chiâⁿ--lah;Góa in-ūi sim-lāi ê khó͘-chhó͘, tī it-seng ê nî-jı̍t, beh ûn-ûn-á kiâⁿ.

(BCL) 我欲講甚麼啊？伊給我講的，亦給我成啦。我因為心內的苦楚，佇一生的年日欲緩緩仔行。

16

(THR) Chú ah, lâng tit-tio̍h o̍ah sī chāi-tī chiah-ê,Góa ê sim-sîn o̍ah--teh, ia̍h lóng sī tùi án-ni;Só͘-í kiû Lí hō͘ góa koh-hó, iû-gôan o̍ah--teh.

(BCL) 主啊，人得著活是在佇諸個。我的心神活亦攏是對按呢。所以求你互我閣好，猶原活。

17

(THR) Khòaⁿ ah, góa siū chin-tōa ê kan-khó͘, sī ūi-tio̍h beh hō͘ góa tit-tio̍h pêng-an;Lí in-ūi thiàⁿ góa ê lêng-hûn, chiū kiù góa thoat-lī bia̍t-bô ê khiⁿ;In-ūi Lí chiong góa it-chhè ê chōe, hiat tī Lí ê ka-chiah-āu.

(BCL) 看啊。我受真大的艱苦，是為著欲互我得著平安；你因為疼我的靈魂就救我脫離滅無的坑，因為你將我一切的罪，佇你的尻脊後。

18

(THR) In-ūi im-kan bōe-ōe kám-siā Lí, sí-bô bōe-ōe o-ló Lí;Lo̍h hûn-bōng ê lâng bōe-ōe ǹg-bāng Lí ê sêng-sı̍t.

(BCL) 因為陰間會感謝你，死無會謳咾你；落墳墓的人會向望你的誠實。

19

(THR) Chí-ū o̍ah-lâng, o̍ah-lâng beh kám-siā Lí, chhin-chhiūⁿ góa kin-á-jı̍t kám-siā Lí chı̍t-iūⁿ;Chòe lāu-pē-ê beh hō͘ kiáⁿ-jî chai Lí ê sêng-sı̍t.

(BCL) 只有活人，活人欲感謝你，親像我今仔日感謝你一樣。做老父的，欲互子兒知你的誠實。

20

(THR) Iâ-hô-hoa piān-piān beh kiù góa, Só͘-í góan chāi-siⁿ ê jı̍t beh tī Iâ-hô-hoa ê chhù,Ēng si-hiân ê ga̍k-khì, chhiùⁿ góa ê si-koa.

(BCL) 耶和華便便欲救我，所以，阮在生的日欲佇耶和華的厝，用絲弦的樂器唱我的詩歌。

21

(THR) Í-sài-a bat kóng, Tio̍h the̍h chı̍t tè bû-hoa-kó-piáⁿ, lâi tah tī lia̍p-á. Ông chiū tit-tio̍h hó.

(BCL) 以賽亞曾講：「著提一塊無花果餅，來貼佇仔，王就得著好。」

22

(THR) Hi-se-ka iā bat kóng, Góa ōe chiūⁿ Iâ-hô-hoa ê chhù, ū sím-mı̍h tiāu-thâu?

(BCL) 希西家也曾講：「我會上耶和華的厝，有甚麼兆頭？」

Bible Color Mark

• 台語漢字羅馬本
• 巴克禮全羅