耶利米書 第 18 章

1

(THR) Iâ-hô-hoa ê ōe lîm-kàu Iâ-lī-bí kóng,

(BCL) 耶和華的話臨到耶利米講：

2

(THR) Lí khí--lâi, lo̍h--khì sio-hûi lâng ê chhù; Góa tī-hia beh hō͘ lí thiaⁿ Góa ê ōe.

(BCL) 「你起來，落去燒磁人的厝，我佇遐欲互你聽我的話。」

3

(THR) Góa chiū lo̍h---khì sio-hûi lâng ê chhù; tú-tn̄g i ēng lûn teh tńg, chòe i ê kang.

(BCL) 我就落去燒磁人的厝，抵當伊用輪轉，做伊的工。

4

(THR) Sio-hûi lâng ēng thô͘ chòe ê khì-kū, tī i ê chhiú nā pháiⁿ-khì, i chiū ēng hit tè thô͘ lēng-gōa chòe pa̍t-hō ê khì-kū; chiàu sio-hûi lâng só͘ khòaⁿ-chòe hó--ê lâi chòe--i.

(BCL) 燒磁人用土做的器具，佇伊的手若歹去，伊就用彼塊土另外做別號的器具；照燒磁人所看做好的來做伊。

5

(THR) Iâ-hô-hoa ê ōe chiū lîm-kàu góa kóng,

(BCL) 耶和華的話就臨到我講：

6

(THR) Iâ-hô-hoa kóng, Í-sek-lia̍t ke ah, Góa khóan-thāi lín kiám bōe-ōe chhin-chhiūⁿ chit ê sio-hûi lâng ê só͘-chòe mah? Í-sek-lia̍t ke ah, thô͘ tī sio-hûi lâng ê chhiú-tiong cháiⁿ-iūⁿ, lín tī Góa ê chhiú-tiong ia̍h sī án-ni.

(BCL) 「耶和華講：以色列家啊，我款待恁，豈會親像此個燒磁人的所做嗎？以色列家啊，土佇燒磁人的手中怎樣，恁佇我的手中亦是按呢。

7

(THR) Góa sím-mı̍h sî lūn-kàu chı̍t-cho̍k á-sī chı̍t-kok kóng, Góa beh kā i pu̍ih--khí-lâi, kā i thiah-húi, kā i húi-hōai;

(BCL) 我甚麼時論到一族抑是一國講，我欲給伊拔起來、給伊拆毀、給伊毀壞；

8

(THR) Góa só͘ kóng ê hit-chı̍t-cho̍k, nā hóan-hóe lī-khui i ê pháiⁿ, Góa chiū beh thè-hóe só͘ siūⁿ beh kàng hō͘ in ê chai-ē.

(BCL) 我所講的彼一族，若反悔離開伊的歹，我就欲退悔，所想欲降互的災禍。

9

(THR) Góa sím-mı̍h sî lūn-kàu chı̍t-cho̍k á-sī chı̍t-kok, kóng beh kiàn-lı̍p, beh chai-chèng;

(BCL) 我甚麼時論到一族抑是一國講，欲建立，欲栽種；

10

(THR) in nā kiâⁿ Góa khòaⁿ-chòe pháiⁿ ê sū, m̄ thiaⁿ-thàn Góa ê ōe, Góa chiū beh thè-hóe Góa só͘ kóng beh hō͘ in ê hok-khì.

(BCL) 若行我看做歹的事，呣聽趁我的話，我就欲退悔，我所講欲互的福氣。

11

(THR) Taⁿ lí tio̍h kā Iû-tāi lâng kap khiā-khí Iâ-lō͘-sat-léng ê peh-sìⁿ kóng, Iâ-hô-hoa án-ni kóng, Góa pī-pān chai-ē kong-kek lín, ia̍h siat kè-bô͘ kong-kek lín; lín ta̍k-lâng tio̍h o̍at-thâu, lī-khui i ê pháiⁿ-lō͘, kóe-chiàⁿ lín ê só͘-kiâⁿ lín ê só͘-chòe.

(BCL) 今你著給猶大人及徛起耶路撒冷的百姓講：『耶和華按呢講：我備辦災禍攻擊恁，亦設計謀攻擊恁。恁逐人著越頭離開伊的歹路，改正恁的所行恁的所做。』

12

(THR) Chóng-sī in kóng, Bô ǹg-bāng; góan beh chiàu ka-kī ê kè-bô͘ lâi kiâⁿ, ta̍k-lâng chiàu i pháiⁿ-sim ê kong-ngī lâi chòe.

(BCL) 「總是講：『無向望。阮欲照家己的計謀來行。』逐人照伊歹心的剛硬來做。」

13

(THR) Só͘-í Iâ-hô-hoa án-ni kóng, Lín tio̍h khì ta̍k-kok chhâ-mn̄g khòaⁿ chī-chūi thiaⁿ-kìⁿ chit-hō sū; Í-sek-lia̍t ê peh-sìⁿ ū kiâⁿ ke̍k thang iàm-ò͘ⁿ ê sū.

(BCL) 所以，耶和華按呢講：恁著去逐國查問，看是誰聽見此號事？以色列的百姓有行極通厭惡的事。

14

(THR) Lī-pa-lùn ê seh tùi chhân-iá ê chio̍h-pôaⁿ kiám ōe cho̍at-tn̄g mah? tùi hn̄g-hn̄g ê só͘-chāi lâu-lo̍h ê léng-chúi kiám ōe ta--khì mah?

(BCL) 黎巴嫩的雪對田野的石磐豈會絕斷嗎？對遠遠的所在流落的冷水豈會乾去嗎？

15

(THR) In-ūi Góa ê peh-sìⁿ bōe-kì--tit Góa, ǹg hu-ké ê sîn sio-hiuⁿ; in hō͘ in tī só͘ kiâⁿ ê lō͘, tī kū ê lō͘ tak--tio̍h, hō͘ in kiâⁿ phian-lō͘, bô thūn-kôaiⁿ-ê;

(BCL) 因為我的百姓記得我，向虛假的神燒香，互佇所行的路，佇舊的路觸著，互行偏路無填高的；

16

(THR) tì-kàu in ê tōe chòe thang gông-ngia̍h, tn̂g-tn̂g hō͘ lâng thí-chhiò; kìⁿ-nā tùi-hia kè--ê beh gông-ngia̍h iô thâu.

(BCL) 致到的地做通卬愕，長長互人恥笑；見若對遐過的欲卬愕搖頭。

17

(THR) Góa beh chhin-chhiūⁿ ēng tang-hong tī tùi-te̍k ê bīn-chêng kóaⁿ-sòaⁿ in; in tú-tio̍h hōan-lān ê jı̍t, Góa beh ēng ka-chiah ǹg in, bô beh ēng bīn.

(BCL) 我欲親像用東風佇對敵的面前趕散。抵著患難的日，我欲用尻脊向，無欲用面。

18

(THR) In chiū kóng, Lâi--ah, lán lâi siat kè-bô͘ kong-kek Iâ-lī-bí; in-ūi chè-si ū lu̍t-hoat, tì-hūi ê lâng ū kè-e̍k, sian-ti ū chhàm-gú ê ōe, lóng bōe cho̍at-tn̄g. Lâi--ah, lán tio̍h ēng chı̍h tú-tak i, i ê ōe lóng m̄-bián thiaⁿ i.

(BCL) 就講：「來啊！咱來設計謀攻擊耶利米；因為祭司有律法，智慧的人有計劃，先知有讖語的話，攏絕斷。來啊！咱著用舌抵觸伊，伊的話攏呣免聽伊。」

19

(THR) Iâ-hô-hoa ah, kiû Lí tì-ì góa, iā thiaⁿ hiah ê kap góa cheng-piān ê lâng ê ōe.

(BCL) 耶和華啊，求你致意我，也聽許個及我爭辯的人的話。

20

(THR) Kiám thang ēng pháiⁿ pò hó mah? in-ūi in khui hām-khiⁿ beh hāi góa ê sìⁿ-miā. Kiû Lí kì--tit góa tī Lí ê bīn-chêng thòe in kiû hok-khì, hō͘ Lí ê tōa siū-khì tùi in o̍at-tò-tńg.

(BCL) 豈通用歹報好嗎？因為開陷坑欲害我的生命！求你記得我佇你的面前替求福氣，互你的大受氣對越倒轉。

21

(THR) Gōan Lí chiong in ê kiáⁿ-jî kau hō͘ ki-hng, chiong in kau hō͘ to-kiàm; hō͘ in ê bó͘ bô kiáⁿ, chòe kóaⁿ-hū; hō͘ in ê ta-po͘-lâng hō͘ sí-bô só͘ bia̍t, in ê siàu-liân lâng tī chiàn-tīn hō͘ to thâi-sí.

(BCL) 願你將的子兒交互飢荒將交互刀劍；互的某無子，做寡婦；互的查甫人互死無所滅，的少年人佇戰陣互刀死。

22

(THR) Lí hō͘ kun-tūi hut-jiân lîm-kàu in ê sî, gōan tùi in ê chhù thiaⁿ-kìⁿ thî-khàu ê siaⁿ; in-ūi in ku̍t hām-khiⁿ beh lia̍h góa, siat lô-bāng beh pòaⁿ góa ê kha.

(BCL) 你互軍隊忽然臨到的時，願對的厝聽見啼哭的聲；因為掘陷坑欲掠我，設羅網欲絆我的腳。

23

(THR) Iâ-hô-hoa ah, in beh hāi góa hiah ê kè-bô͘, Lí lóng chai; bo̍h-tit sià-bián in ê chōe-kòa; ia̍h bo̍h-tit tùi Lí ê bīn-chêng chhat-siau in ê chōe-ok; tio̍h hō͘ in tī Lí ê bīn-chêng po̍ah-tó; Lí siū-khì ê sî, tio̍h pān--in.

(BCL) 耶和華啊，欲害我許個計謀，你攏知。莫得赦免的罪過，亦莫得對你的面前擦消的罪惡，著互佇你的面前跋倒；你受氣的時著辦。

Bible Color Mark

• 台語漢字羅馬本
• 巴克禮全羅