上帝的團契

上帝的團契

主講人 / 作者: 
舒度達大牧師
佈道日期: 
2019-02-24

約翰福音5:1~9

列位兄姊大家平安,今仔日非常歡喜,會凍呷大家作伙敬拜咱的上帝,也嘛感謝主賞賜這款的機會呷大家說多謝。久長以來,咱教會對原住民宣教的事工,有極大的的幫助和真好的口啤,佇這代表總會原住民宣教委員會向咱的教會說一聲「mhuway namu balay」,願上帝祝福咱的教會呷每一位愛主的兄姊。

原住民教會發展到今,咱的確要感謝主,無論是佇山頂、圧腳、都市、海岸,甚至佇海島,攏有咱所起造的教會,佇彼宣揚上帝國的福音,抑有多多牧者同工佇彼打拼成為上帝忠心的奴僕。這是值得咱獻出感恩。為著按呢,我要用一首布農族的福音詩歌,來獻上我對上帝呷咱的教會的感謝,嘛深深感受到,有上帝真好,有咱教會真好。此首詩歌的歌名是「唱出希望」。

相聚在這個地方,真是不簡單,多少個窮年累月,今天還能再見面,
經過了千里迢迢,走過了萬叢山,渡過了百般試煉,在此相互勉勵。
嗨喲呀嘿喲咿喲,嘿喲伊喲嘿,把我們的理想,用歌聲唱出來。
嗨喲呀嘿喲咿喲,嘿喲伊喲嘿,把我們的希望,分享每一個人。

本論

列位兄姊,在咱教會的宣教歷史中,會凍在山頂、圧腳、都市、海岸和海島豎起呷推展,咱的確要大聲應說:感謝主!

此時,咱來看今仔日所讀的經文,是記載主耶穌怎樣醫治一個破病久久的人的故事。耶穌是怎樣幫助伊、協助伊,以及互伊有氣力復爬起來、重新勇敢面對伊的生命。經文的故事,就是教示咱怎樣起造上帝的團契,今仔日牧師邀請大家來作伙思考和學習,互咱信仰的生命,呷信仰生活的見證,會凍成為一個福氣的生命呷生活。

一,上帝的團契是起造一個有醫治,更新和盼望的生命

在新約聖經中有真多的所在,攏有相款記載有關主耶穌基督醫治病人的故事。總是這段聖經乎咱有活活的見證,教示咱怎樣起造咱的信仰生命,成為主耶穌真真正正的學生,榮光祂的名和利益眾人。經文有按呢講:「佇猶太人的一個節期,主耶穌祂來到耶路撒冷。主耶穌祂就來到ㄧ個叫羊門的地方,在那裡有一個水池,當地的人叫這個水池叫作~畢士大.......,每天都有不少的病人群聚在此個所在。」

為什麼耶穌在猶太人的一個很重要的節期內底,沒入去聖殿內底,呷猶太人的宗教領袖作伙敬拜上帝,反回出現在多多破病的人呷小小的畢士大水池中間?因為畢士大此個所在是一個有醫治,會凍乎人更新生命呷盼望的所在。

話說,這個水池的水,在某ㄧ個時間天使就會甲伊攪(la)乎陣動,設使水池的水若在震動的時,頭一個落水的人,伊身上所有的病症就攏會凍得到醫治。所以當時有多多病痛的、身體欠安的、殘障的人,都會想辦法欲(beh)來這個所在,在hia欲等候水池的水震動,想趕快下去水池得到醫治。

畢士大水池的確是此個有醫治,乎人有盼望呷賞賜人有更新的生命的所在,所以耶穌就出現在hia。列位兄姊,咱所起造的家庭,社區和教會,豈是親就畢士大水池此款的所在,有醫治,乎人有盼望呷賞賜人有更新的生命的所在,若是按呢,我相信,咱的救主耶穌嘛豎在咱的中間,阿們嗎?

二,上帝的團契要成為耶穌基督拯救的手

今仔日的聖經,是按呢呷咱說,當主耶穌來到水池邊的時,伊看見多多病人躺在那(hia),中間有一位已經破病躺在那(hia)38冬的人。主耶穌看見伊,就來到伊的面前講:「你愛得到好嗎?」那個病人對主耶穌應說:「主啊,水振動的時,無人通扶我落池;到我來的時,別人代先我落去啦。」

列位兄姊,畢士大是一個有醫治,有盼望呷有拯救的所在;為什麼猶原有一個破病38冬躺在那(hia)沒人幫忙?咱想看麥,這段經文乎咱無什麼款的教示?對我來看,這是乎咱基督徒真好的信仰提醒。畢士大雖然是一個有醫治,有盼望呷有拯救的所在,總是咱要知道,咱若是嘸凍成為耶穌拯救的手,咱所起造的團契,猶原有親像經文所說的,破病38冬躺在那(hia)沒有幫忙,在那等候別人的幫忙。

列位兄姊,今仔日的社會充滿功利呷自私,條件好的人永遠會凍得到擱卡多的資源呷機會,條件壞的人,永遠到那等候別人的幫助呷支持。這是真現實的代誌,耶穌的時代是按呢,今仔日的咱,嘛是按呢。上帝的團契若嘸凍成為耶穌基督拯救的手,咱教會的宣教事工就空空虛華無價值,嘛袂凍成為別人的福氣呷盼望的記號。

三,上帝的團契要放拺自己的舖仔(pho-a)

主耶穌就對他說:「起來,夯(gia)你的舖仔(pho-a)去行!」那個人隨時好,從那時開始,伊就脫離了38年久未凍自由行動的苦境。

列位兄姊,舖仔(pho-a)是乎這破病38冬久安心起居的所在,舖仔(pho-a)嘛是乎這破病38冬的人,袂凍起立走路的物件。這破病38冬的人若無遵趟耶穌的話,夯(gia)你的舖仔(pho-a)去行,我相信他猶原在那躺啲,袂凍領受新的生命,起來行。

其實,咱每一個人攏有自己的舖仔(pho-a),這舖仔(pho-a)可能是咱的傳統,咱的規矩,咱的工作,咱的名聲呷地位,甚至是咱的價值觀,意識型態呷自私,這等等的舖仔(pho-a)乎咱有真好的生活品質呷水準。列位兄姊,此款的舖仔(pho-a)嘛可能阻擋咱親近上帝,阻擋咱袂凍成為別人的福氣,在信仰生命內底親就破病38冬的人同款,躺在那袂凍行路。

今仔日耶穌要咱夯(gia)咱的舖仔(pho-a)去行,咱的確親像玻病38冬的人同款,咱夯(gia)咱的舖仔(pho-a)去行,放拺咱的舖仔(pho-a)成為上帝國福音的祿用呷工具。

結論

親愛的兄姐,今仔日主耶穌的話嘛擱再一遍來提醒咱:上帝的團契是要咱起造一個有醫治,會凍乎人更新呷盼望的生命,嘛乎咱成為主耶穌拯救的手,尋求需要咱幫忙的人,成為弱勢人的同伴呷幫忙;若是會凍按呢,我相信咱嘛會凍放拺咱自己的舖仔(pho-a)去行,成為真真正正上帝的團契。

分享此文 ➤

瀏覽次數:108