哥林多前書 第 2 章 - 台語漢字羅馬本

1
兄弟啊,我前就近恁,無用深沈的言語抑是智慧,來對恁傳上帝的奧妙。
2
因為我決斷佇恁中間呣知別項,只有知耶穌基督釘十字架的若定。
3
閣我及恁佇的時,是軟弱、驚惶、栗栗惙。
4
我所講、所傳的,不在智慧好聽的話,是在佇聖神及權能的闡明,
5
欲互恁的信不在人的智慧,是在佇上帝的權能。
6
若是阮佇練達的人的中間,講智慧。獨獨呣是此世間的智慧,也呣是此世間諸個欲廢無者、掌權者的智慧。
7
是講上帝奧妙中的智慧、前所隱密的,就是上帝佇萬世代以前所代先定著互咱得著榮光的。
8
此個智慧此世間掌權者無一個知,若知,就無將榮光的主釘佇十字架。
9
是照所記載講:目睭未曾看見,耳孔未曾聽見,人的心未曾想著的,就是上帝為著疼伊的人見若所備辦的。
10
若是上帝有用聖神給咱顯明伊,因為聖神透徹萬事,及上帝的深奧。
11
今人的事若呣是伊家己的神,別人是誰會知?按呢,上帝的事,若呣是上帝的神,也無一個會知。
12
若是咱所得著,呣是世間的神,就是對上帝來的神,欲互咱知上帝所白白賞賜咱的。
13
閣阮講伊,呣是用人的智慧所教示的話,是用聖神所教示的,將神靈的話和合神靈的事。
14
若是屬血氣的人無承受上帝的神的事,是看做戇,也會識伊,因為著對神才會忖 。
15
獨獨屬神的人忖 萬項事,也家己無互人忖 。
16
因為是誰有知主的心通教示伊啊?若是阮有基督的心。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!