撒母耳記下 第 21 章 - 台語漢字羅馬本

1
佇大衛的時有飢荒,連連三年,大衛就問耶和華。耶和華講:「是因為掃羅及伊的家流人的血的,因為伊死基遍人。」
2
基遍人本呣是以色列人,就是亞摩利人所剩的;以色列人曾對咒誓,呣,總是掃羅為著以色列人及猶大人熱心,想計謀。王就召基遍人來給講,
3
大衛給基遍人講:「我著為恁做甚麼?我著用甚麼來替贖,互恁祝福耶和華的產業啊?」
4
基遍人講:「阮及掃羅及伊的家的事無關係金銀,也呣通為著阮的緣故害死一個以色列人。」伊講:「恁所講怎樣,我欲為恁行伊。」
5
對王講:「彼個從前毀壞阮、謀害阮、欲滅阮,互阮得通徛起佇以色列的境內的,
6
今願用伊的後裔七人交付阮,阮欲佇耶和華的面前,將吊佇耶和華所揀掃羅的基比亞。」王講:「我欲交互恁。」
7
掃羅的子約拿單,伊的子米非波設王保惜,因為大衛及掃羅的子約拿單前曾指耶和華的名來咒誓,
8
總是王將愛雅的查某子利斯巴給掃羅所生二個子亞摩尼、米非波設,及掃羅的查某子米甲給米何拉人巴西萊的子亞得列所生的五個子,
9
攏交佇基遍人的手。就吊佇山裡,佇耶和華的面前,這七人攏做一下倒落來。攏總死佇起頭收割的時,就是起頭割大麥的時。
10
愛雅的查某子利斯巴提粗麻布為家己舒佇石磐頂,對起頭收割的時到天落雨水佇身屍的時,呣准日時空中的鳥,及暝時的走獸到佇許個身屍。
11
有人將掃羅的妃愛雅的查某子利斯巴所做的事給大衛講。
12
大衛就去,對基列雅比人提掃羅的骨及伊的子約拿單的骨(曾對伯珊的街路偷提,因為非利士人前佇基利波死掃羅的時,非利士人有吊佇遐。)
13
伊就對遐帶掃羅的骨及伊的子約拿單的骨倒來,人就收拾許個受吊死者的骨,
14
就埋葬掃羅及伊的子約拿單的骨佇便雅憫地的洗拉,佇掃羅的父基士的墓;照王一切所命令的去行。此霎了後上帝為著彼個地方聽的祈禱。
15
非利士人閣及以色列人交戰;大衛及伊的奴僕落去,及非利士人交戰,大衛真厭倦。
16
有大漢族的一人名叫以實比諾;伊的槍的銅重三百舍客勒,閣佩新的刀,欲大衛。
17
總是洗魯雅的子亞比篩保護大衛,拍死彼個非利士人。當時,隨大衛的人對伊咒誓講:「此霎了後你呣通閣及阮出戰,驚了拍熄以色列的燈。」
18
後來,閣及非利士人交戰佇歌伯,彼時有戶沙人西比該死一個大漢族的人名做撒弗。
19
閣再佇歌伯及非利士人交戰,伯利恆人雅雷俄珥金的子伊勒哈難死迦特人歌利亞。伊的槍柄親像布機的軸心。
20
閣佇迦特交戰,佇遐有一個大漢人,二支手各有六支指頭仔,二支腳各有六支指頭仔,共有二十四支;伊也是大漢族人的子。
21
此人藐視以色列的時,大衛的兄示米亞的子約拿單就給伊死。
22
此四人是迦特大漢人所生的,攏死佇大衛的手及伊的奴僕的手。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!