使徒行傳 第 20 章 - 台語漢字羅馬本

1
喊嘩已經定,保羅叫學生來,勸,就及離別,起身欲去馬其頓。
2
已經經過許個地方,用多多話苦勸,就到希利尼。
3
遐三月日,欲搭船去敘利亞,猶太人設計欲害伊,伊就定著意思對馬其頓倒轉。
4
隨伊去亞西亞的人,有庇哩亞人畢羅的子所巴特,帖撒羅尼迦人亞里達古及西公都,特庇人該猶及提摩太,閣有亞西亞人推基古及特羅非摩。
5
此幾人代先去,佇特羅亞聽候阮。
6
除酵節後,阮對腓立比開船,五日到特羅亞,及相會,遐七日。
7
七日的頭一日,阮諸個聚集欲擘餅,保羅愛佇隔日起身,就及講論道理,延到半暝。
8
阮所聚集的樓,有點多多燈。
9
有一個少年人,名猶推古,坐佇窗仔頂,睏重眠。保羅講論已經久,少年人因為睏,對三層樓跋落來;人來扶伊,已經死啦。
10
保羅落去,仆佇伊的身上,抱伊,講:「恁莫作聲,伊的魂猶佇。」
11
就閣上去,擘餅來食,相及談論久久,到天光,就起身。
12
囝仔已經活,人導伊來,大受安慰。
13
阮代先上船,開船去亞朔,愛佇遐接接保羅;因為伊有按呢吩咐,家己欲對路去。
14
已經佇亞朔及阮相會,阮就接伊上船,去米推利尼。
15
對遐開船,第二日到基阿的對面;隔日,船擱佇撒摩;閣一日,到米利都。
16
因為保羅決意搭船閃過以弗所,免得久久佇亞西亞,就趕緊行,看會通佇五旬節日到耶路撒冷。
17
對米利都差人到以弗所,請教會的長老來。
18
已經到,就對講:「恁家己知,我對起頭踏著亞西亞地的日,頭到尾及恁怎樣,
19
我服事主,凡事謙遜,閣流目屎,閣對猶太人的謀害,歷過試煉。
20
凡有利益的,我未曾勼狹無給恁講,來教示恁,無論佇眾人的面前,抑是佇諸個人家;
21
對猶太及希利尼人證明著向上帝來反悔,閣著向咱的主耶穌基督來信。
22
今我的心神受縛去耶路撒冷,未知佇遐欲抵著怎樣;
23
獨獨聖神佇逐個城對我證明,講有鎖鍊及患難聽候我,
24
若是我無掠生命做要緊,來看做寶貝,獨獨是欲盡我的路站,及對主耶穌所受的職份,來證明上帝恩典的福音。
25
「我平素四界行,佇恁中間傳上帝的國;今我知,恁眾人無閣見我的面。
26
所以我今仔日對恁干證,若有人沈淪,我無責成。
27
因為我未曾勼狹,無用上帝的旨意一盡給恁講。
28
恁著家己謹慎,亦著謹慎全群,聖神佇中間設立恁做監督,來照顧上帝的教會,就是伊用家己的血所得著的。
29
我知,我離開了後欲有兇惡的豺狼入恁中間,無惜羊群。
30
閣對恁家己的中間,欲有人起來講逆理的話,愛引誘學生趁伊。
31
所以恁著警醒,記念我三年的久暝日無息、流目屎來警戒恁逐人。
32
今我將恁交託上帝及伊恩典的道;是會建立恁,互恁得著業佇攏總成聖的人的中間。
33
我未曾貪人的銀、金、衣服。
34
恁家己知,此二支手有供給我的欠用,以及及我佇的人。
35
我凡事做恁的模樣,著按呢著磨,來扶持軟弱的人,閣著記得主耶穌本身的話,講:『互人的比對人提的卡有福氣。』」
36
講息,跪落及眾人祈禱。
37
眾人大啼哭,抱保羅的頷頸,唚伊。
38
第一煩惱的,就是伊所講的話「以後閣見著伊的面」,就送伊落船。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!